សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី ១៩ ខែឧសភា ឆ្នាំ ២០២១ វេលាម៉ោង ១២ និង៤០នាទីថ្ងៃត្រង់ ជនសង្ស័យ ប្រុសម្នាក់ស្រី២នាក់ជាមុខសញ្ញាឆក់យ៉ាងសកម្មនៅក្នុងរាជធានីភ្នំពេញ ត្រូវកំលាំងជំនាញ នគរបាលក្រសួងមហាផ្ទៃ បានធ្វើការឃាត់ខ្លួន នៅចំណុច ផ្លូវលេខ២៨៨ សង្កាត់ក្នុងបឹងកេងកង២ ខណ្ឌបឹងកេងកង រាជធានីភ្នំពេញ ។
បើតាមសមត្ថកិច្ចបានបង្ហើបប្រាប់ឲ្យដឹងទៀតថា ជនសង្ស័យប្រុសម្នាក់ស្រី២នាក់ខាងលើគឺជាមុខសញ្ញាឆក់យ៉ាងសកម្មនៅក្នុងរាជធានីភ្នំពេញ ក៏បានត្រូវកំលាំងនគរបាលនៃក្រសួងមហាផ្ទៃបានធ្វើការស្រាវជ្រាវរហូតមកផងដែរខណៈធ្វើសកម្មភាពឆក់ការបូបរបស់ជនរងគ្រោះកន្លងមកខណៈ ពេលមកដល់ចំណុចផ្លូវលេខ៣៩០ក្នុងសង្កាត់បឹងរំាង ខណ្ឌដូនពេញក៏ស្រាប់តែមានឃើញក្រុមជនសង្ស័យខាងលើ ជិះម៉ូតូមួយគ្រឿង ម៉ាក HONDA BeRT ពណ៌សលាយផ្កាឈូក ពាក់ស្លាកលេខ ភ្នំពេញ 1GZ-6778 ស្របពេលកំលាំងនគរបាលនៃក្រសួងមហាផ្ទៃ ក៏ធ្វើការដេញរហូតមកដល់ចំណុចខាងលើ ក៏ឃាត់ខ្លួនជនសង្ស័យបានតែម្តង។
បច្ចុប្បន្ន កំលាំងនគរបាលនៃក្រសួងមហាផ្ទៃ កំពុងសាកសួរយកចម្លេីយកសាងសំណុំរឿងបញ្ចូនទៅសាលាដំបូងរាជធានីភ្នំពេញដេីម្បីអនុវត្តតាមនីតិវិធីច្បាប់ ៕
ដោយ៖ ជីណា
