សារព័ត៌មាន នគរវត្ត តែងតែនាំមុខគេជានិច្ច
ម្ចាស់ជើងឯកពិភពលោកលេខ៣ និងលេខ២ប្រចាំឆ្នាំ កីឡាការិនីវាយតឺន្នីសឆ្នើម Simona Halep បានដកខ្លួនចេញពីការប្រកួតកម្មវិធី French Open ដោយមានបញ្ហារបួសកំភួនជើងខាងឆ្វេង។ នេះបើយោងតាមការចេញផ្សាយរបស់ BBC Sport នៅព្រឹកថ្ងៃទី២២ ឧសភានេះ។
កីឡាការិនីសញ្ជាតិរ៉ូម៉ានីដែលបានលើកពាន Grand Slam នៅឯ Roland Garros ក៏បានខកខានឡើងប្រកួតនៅក្នុងព្រឹត្តិការណ៍ Italian Open ដែរបន្ទាប់ពីមានរបួសសាច់ដុំ។ Halep គឺជាកីឡាការិនីដែលបានប្រកួតវគ្គផ្តាច់ព្រ័ត្រចំនួន៣ដងក្នុងព្រឹត្តិការណ៍ French Open ដែលនឹងចាប់ផ្តើមនៅថ្ងៃទី៣០ ខែឧសភាខាងមុខ។
កីឡាការិនីវ័យ២៩ឆ្នាំរូបនេះបានឈ្នះជើងឯក Wimbledon កាលពីឆ្នាំ២០១៩ ដូច្នេះនាងនឹងក្លាយជាម្ចាស់ការពារតំណែងជើងឯកប្រសិនបើនាងចូលរួមព្រឹត្តិការណ៍ឆ្នាំនេះដែលនឹងចាប់ផ្តើមនៅថ្ងៃទី២៨ ខែមិថុនា។
Halep បានយកឈ្នះកីឡាការិនី American Sloane Stephens នៅទីក្រុងប៉ារីសក្នុងឆ្នាំ២០១៨ ដើម្បីឈ្នះ French Open ។ នាងបានឈានដល់ជុំទី៤កាលពីឆ្នាំមុន មុនពេលចាញ់ជើងឯកជើងឯក Iga Swiatek ។ នាងបានចូលនិវត្តន៍ពីការប្រកួតបើកឆាកជុំទី២របស់នាងជាមួយនឹងកីឡាការិនី Angelique Kerber ដោយមានបញ្ហារបួស ។
កីឡាការិនី Halep បានសរសេរនៅលើបណ្តាញសង្គម Twitter ថា “ជាអកុសលរបួសនៅកំភួនជើងខាងឆ្វេងរបស់ខ្ញុំត្រូវការពេលវេលាច្រើនដើម្បីជាសះស្បើយ ហើយពេលវេលាកំណត់ការប្រកួតគឺខ្លីណាស់។ គំនិតនៃការមិននៅក្នុងទីក្រុងប៉ារីសបានធ្វើឱ្យខ្ញុំសោកសៅ ប៉ុន្តែខ្ញុំនឹងផ្តោតថាមពលរបស់ខ្ញុំឲ្យឆាប់ជាឡើងវិញ”។
ជាមួយគ្នានេះម្ចាស់ជើងឯកពិភពលោកលេខ១ កីឡាការិនី Ashleigh Barty ក៏បានខកខានពីការប្រកួតវគ្គ១/៤ផ្តាច់ព្រ័ត្រនៃកម្មវិធី Italian Open របស់នាងផដែរដោយសារមានបញ្ហារបួសដៃ ៕ដោយ ៖ ភារៈ
