សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឡិចស៊ីសRX330មួយគ្រឿងបានបុកឡាំប្រឺតាពីក្រោយពេញទំហឹងបណ្តាលឱ្យក្រឡាប់ផ្ងារជេីងច្រង៉ាងសំណាងមិនមានរបួសដល់មនុស្ស។
ហេតុការណ៍នេះបានកេីតឡេីងកាលពីវេលាម៉ោង៤រសៀលថ្ងៃទី២៤ ខែឧសភា ឆ្នាំ២០២១ នៅចំណុចស្តុបចូលព្រលានយន្តហោះពោធិ៍ចិនតុងថ្មី តាមបណ្តោយមហាវិថីសហព័ន្ធរុស្ស៊ី ក្នុងសង្កាត់កាកាប២ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់បេីកឡាំប្រឺតា ពាក់ស្លាកលេខស្វាយរៀង1N.5607 ធ្វេីដំណេីរតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីលិចទៅកេីតខណៈមកដល់ចំណុចកេីតហេតុស្រាប់តែមានរថយន្តឡិចស៊ីសRX330 ពណ៌ស ពាក់ស្លាកលេខភ្នំពេញ2BJ.5049 ធ្វេីដំណេីរមកពីក្រោយបុកពេញទំហឹងបណ្តាលឱ្យឡាំប្រឺតាក្រឡាប់ផ្ងារជេីងរងការខូចខាតបន្តិចបន្តួចតែសំណាងមិនមានអ្នករបួសចំណែករថយន្តរងការខូចខាតធ្លាក់កាងខាងមុខ។
ក្រោយកេីតហេតុភាគីខាងរថយន្តបានព្រមចេញថ្លៃជួសជុលទៅឲ្យភាគីឡាំប្រឺតាដេីម្បីបញ្ចប់រឿងនៅនឹងកន្លែងកេីតហេតុ៕
ដោយ៖ សុខា សែនជ័យ
