សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គ្រោះថ្នាក់ចរាចរណ៍ដ៏រន្ធត់មួយបង្កឡេីងដោយរថយន្តមួយគ្រឿងបានបេីកបរក្នុងស្ថានភាពលឿន រួចក៏ជ្រុលទៅបុកជាមួយរថយន្តមួយគ្រឿងទៀតបណ្តាលអោយរងការខូចខាតយ៉ាងដំណំទាំងសងខាងតែម្តង។
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង ៣ និង ៥០នាទីរសៀល ថ្ងៃទី២៤ ខែឧសភា ឆ្នាំ២០២១ ស្ថិតនៅចំណុចផ្លូវលេខ ១៥៩ កែងផ្លូវលេខ៨២ ក្នុងតំបន់បឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុ បានប្រាប់ឱ្យដឹងថា មុនពេលកេីតហេតុ មានរថយន្តមួយគ្រឿងម៉ាកព្រូស ពណ៌ក្រហម ពាក់ស្លាកលេខ ភ្នំពេញ 2BD-5587 បេីកបរក្នុងទិសដៅពីត្បូងទៅជេីងក្នុងល្បឿនលឿន ក៏ជ្រុលចង្កូតទៅបុកជាមួយរថយន្តមួយគ្រឿងទៀត ម៉ាក សាំយ៉ុង ពណ៌ស ពាក់ស្លាកលេខ ភ្នំពេញ 2AP-2658 ដែលបេីកបរក្នុងទិសដៅពីលិចទៅកេីត លុះមកដល់ត្រង់ចំណុចផ្លូវបំបែកជាបួន ក៏ត្រូវរថយន្តម៉ាក ព្រូសបុកយ៉ាងពេញទំហឹង បណ្តាលឱ្យរងការខូចខាតតែម្តង។
ក្រោយពេលកេីតហេតុ សមត្ថកិច្ចជំនាញខណ្ឌបានចុះមកដល់ទីតាំងខាងលេី និងបានរាយការណ៍ទៅកាន់សមត្ថកិច្ចជំនាញការិយាល័យនគរបាលចរាចរណ៍ជេីងគោក នៃស្នងការដ្ឋាននគរបាលរាជធានីភ្នំពេញ ដេីម្បីចុះមកធ្វេីការវាស់វែងនាំយករថយន្តទាំង២គ្រឿងទៅរក្សាទុកនៅការិយាល័យជំនាញ ដេីម្បីដោះស្រាយគ្នាតាមផ្លូវច្បាប់ផងដែរ៕
ដោយ ៖ រ៉ារ៉ា
