សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន៦នាក់ជាមុខសញ្ញាចាស់ដេីរគាស់ផ្ទះប្រជាពលរដ្ឋលួចទ្រព្យសម្បត្តិមានតំលៃត្រូវបានសមត្ថកិច្ចឆ្មក់បង្ក្រាបនិងឃាត់ខ្លួន កាលពីវេលាម៉ោង៣និង៣០នាទីរសៀលថ្ងៃទី២៤ ខែឧសភា ឆ្នាំ២០២១ ខណៈពួកគេកំពុងប្រមូលផ្តុំគ្នាប្រេីប្រាស់គ្រឿងញៀន នៅក្នុងផ្ទះមួយកន្លែង ភូមិព្រៃព្រីងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យទាំង៦នាក់ដែលឃាត់ខ្លួនមាន ៖
ទី១-ឈ្មោះ សិន ណេង ភេទប្រុសអាយុ២៦ឆ្នាំ មុខរបរកម្មករសំណង់។
ទី២-ឈ្មោះ សុខ រដ្ឋា ភេទប្រុសអាយុ២៥ឆ្នាំ មុខរបរកម្មករសំណង់។
ទី៣-ឈ្មោះ វ៉ាន់ រ៉ាវី ភេទប្រុសអាយុ២៧ឆ្នាំមុខរបរកម្មករសំណង់។
ទី៤-ឈ្មោះ ប៉ុន ថេត ភេទប្រុសអាយុ២៣ឆ្នាំ មុខរបរកម្មករសំណង់។
ទី៥-ឈ្មោះ ទូច វ៉ានី ភេទប្រុសអាយុ២៩ឆ្នាំ ។
ទី៦-ជាបងធំគេឈ្មោះ អាកៃ អាយុ៣០ឆ្នាំ នាក់ទាំងអស់គ្នាស្នាក់នៅកន្លែងឃាត់ខ្លួនខាងលេី។
តាមសមត្ថកិច្ចបានឱ្យដឹងថា ជនសង្ស័យខាងលេីជាមុខសញ្ញាចាស់ដែលកម្លាំងតាមដាននិងស្រាវជ្រាវអស់រយៈពេលជាយូរមកហេីយ ។ នៅយប់ឈានចូលថ្ងៃទី២៣ ខែឧសភា ជនសង្ស័យខាងលេីឈ្មោះកៃ និងឈ្មោះសុខរដ្ឋា ធ្លាប់គាស់ផ្ទះប្រជាពលរដ្ឋនៅផ្សារជម្ពូវ័នលួចសម្ភារគិតជាទឹកប្រាក់ ជាង៣ពាន់ដុល្លារ ហេីយគេចខ្លួនបាត់អស់ ។ បន្ទាប់មកទេីបជនរងគ្រោះដោយពិនិត្យតាមកាមេរ៉ាសុវត្តិភាព ឃេីញភិនភាគជនសង្ស័យច្បាស់ក៏ទៅដាក់ពាក្យបណ្តឹងនៅប៉ុស្ដិ៍រដ្ឋបាលនគរបាលចោមចៅទី១ ដោយសារប៉ុស្តិ៍ចោមចៅទី៣ជាប់ធ្វេីចត្តាឡីស័ក ។
សមត្ថកិច្ចបានបន្តថា លុះមកដល់ថ្ងៃកេីតហេតុមានបងប្អូនប្រជាពលរដ្ឋបានរាយការណ៍ថាផ្ទះខាងលេីមានមនុស្សប្រុសចេញចូលខុសពីធម្មតាសង្ស័យប្រេីប្រាស់ថ្នាំញៀនទេីបកម្លាំងនគរបាលប៉ុស្តិ៍ចោមចៅទី១ បេីកប្រតិបត្តិការចុះបង្ក្រាបជាក់ស្តែងឃេីញជនសង្ស័យកំពុងប្រេីប្រាស់ថ្នាំញៀនទេីបធ្វេីការឃាត់ខ្លួនយកទៅអធិការនគរបាលខណ្ឌពោធិ៍សែនជ័យតែម្តង៕
ដោយ៖ សុខា សែនជ័យ
