សារព័ត៌មាន នគរវត្ត តែងតែនាំមុខគេជានិច្ច
ពិតជាធ្វើឲ្យមានការភ្ញាក់ផ្អើលពេញបណ្តាញសង្គមទៀតហើយក្រោយពីអ្នកជំនួញលំដាប់សេដ្ឋី ភេទទី៣នៅប្រទេសថៃដ៏ល្បីឈ្មោះ នាង Anne Jakrajutatip បានប្រកាសនិងបង្ហាញឯកសារក្នុងការត្រៀមខ្លួនក្លាយជាម្ចាស់ភាគហ៊ុនធំគឺ៥១ភាគរយរបស់ស្ថានប័នកញ្ញាឯកចក្រវាឡនោះហើយ។
នេះបើយោងតាមការប្រកាសរបស់សេដ្ឋីភេទទី៣ទ្រព្យស្តុកស្តម្ភរូបនេះបានប្រកាសនៅលើបណ្តាញសង្គមនាងផ្ទាល់កាលពីចុងសប្តាហ៍មុននេះ និងនាំឲ្យកក្រើកពេញបណ្តាញសង្គមពិសេសក្រុមអ្នកនិយមតាមដានកម្មវិធីប្រកួតកញ្ញាឯកនោះ។ ការប្រកាសនេះដែរមិនបានប៉ុន្មានថ្ងៃផងក្រោយពីបញ្ចប់កម្មវិធីប្រកួតកញ្ញាឯកចក្រវាឡ២០២០ដែលត្រូវបានធ្វើឡើងនៅសហរដ្ឋអាមេរិក ហើយអ្នកគាំទ្រ ក៏ដូចជាអ្នកជំនាញផ្នែកកញ្ញាឯកនៅប្រទេសថៃបានបញ្ចេញប្រតិកម្ម និងថ្លែងសារមិនពេញចិត្តជាបន្តបន្ទាប់ជុំវិញបេក្ខភាពកញ្ញាឯករបស់ខ្លួនគឺកញ្ញា Amanda មិនទទួលបានលទ្ធផលណាមួយពោលសូម្បីតែចូលទៅដល់កំពូង៥នាក់ចុងក្រោយ ឬ Top 5នោះ ព្រោះតែពួកគេបានដាក់ក្តីរំពឹងខ្ពស់ទៅលើបេក្ខភាពរបស់គេ និងហ៊ាននិយាយពេញៗមាត់ថា នាងពិតជាល្អឥតខ្ចោះ ឬ Perfect នោះ។ តាមការបញ្ជាក់របស់នាងបានលើកឡើងថា ការក្លាយទៅជាម្ចាស់ភាគហ៊ុនធំនេះនឹងជំរុញឲ្យកម្មវិធីប្រកួតនេះពេញដោយភាពយុត្តិធម៌។ នាងAnne Jakrajutatip គឺជានាយកប្រតិបត្តិក្រុមហ៊ុន JKN Global Media PLC ដែលជាក្រុមហ៊ុនផ្គត់ផ្គង់ភេសជ្ជៈ និង គ្រឿងសម្អាង សេវាកម្មថែទាំសុខភាពដែលរកចំណូលបានជាង ១០ ពាន់លានបាតក្នុងឆ្នាំ២០២០ ដែលមានជំនួញក្នុងដៃច្រើនស្រាប់ក៏នឹងអាចមានលទ្ធភាពគ្រប់គ្រាន់សម្រាប់ការទិញភាគហ៊ុន ប៉ុន្តែតម្លៃប៉ុណ្ណោះនៅមិនទាន់បានទម្លាយនោះឡើយ។ នាងទម្លាយដែរថា កាលពីអំឡុងឆ្នាំ២០១៨ នាងធ្លាប់បានម្ចាស់កម្មវិធីប្រកួតសម្រស់ទ្រង់ទ្រាយធំបំផុតរបស់ពិភពលោកមួយនេះទាក់ទងមកនាងដើម្បីចូលរួមទិញភាគហ៊ុន ប៉ុន្តែពេលនោះនាងហាក់មិនសូវជាចាប់អារម្មណ៍ទើបមិនបានតបទៅនឹងសំណើរមួយនេះ។
នាងបញ្ជាក់ថា ក្រោយពីបញ្ចប់ការប្រកួត និងមើលឃើញពីភាពអយុត្តិធម៌ចំពោះបវរកញ្ញាថៃ នាង Amanda ទើបនាងពិចារណាដើម្បីទិញភាគហ៊ុនកម្មវិធីនេះ និងដើម្បីស្វែងរកយុត្តិធម៌ជូនដល់កញ្ញាឯកដែលមានសមត្ថភាពឡើងវិញ ហើយនាងសង្កត់ធ្ងន់ថា បវរកញ្ញាប្រទេសម៉ិចសិចកូដែលបាជាប់នោះហាក់បីដូចជាការធ្វើជំនួញដែលពុំបានចេញពីសមត្ថភាពពិតៗនោះទេ។
ដូចការអះអាងមែនម្ចាស់ជំនួញទ្រព្យវាល់លានភេទទី៣ថៃ នាង Anne Jakrajutatip បានក្លាយជាម្ចាស់ភាគហ៊ុន៥១ភាគរយរបស់ស្ថាប័នកញ្ញាឯកចក្រវាឡហើយ។សារវីដេអូនេះបានធ្វើឲ្យក្រុមអ្នកនិយមតាមដាន និងគាំទ្រកម្មវិធីកញ្ញាឯកនៅប្រទេសថៃបានសម្តែងការសាទរ និងរំភើបចិត្តដែលទទួលបានដំណឹងនេះ ហើយពេលនេះពួកគេកាន់តែកក់ក្តៅក្រោយពីលឺដំណឹងនៃជនជាតិថៃបានក្លាយជាម្ចាស់ភាគហ៊ុនដ៏ធំក្នុងស្ថាប័នមួយនេះ។
គួរបញ្ជាក់ដែរថា នាងAnne Jakrajutatip គឺជានាយកប្រតិបត្តិក្រុមហ៊ុន JKN Group ដែលជាក្រុមហ៊ុនផ្គត់ផ្គង់ភេសជ្ជៈ និង គ្រឿងសម្អាង សេវាកម្មថែទាំសុខភាពដែលរកចំណូលបានជាង ១០ ពាន់លានបាតក្នុងឆ្នាំ ២០២០៕
ដោយ ៖ វឌ្ឍនា
