សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តកុងតឺន័រមួយគ្រឿងថយក្រោយចូលឃ្លាំងមិនប្រយ័ត្ន បានជ្រុលទៅបុកបង្គោលស្លាកសញ្ញាចរាចរណ៍មួយដើមនៅចិញ្ចើមផ្លូវបណ្ដាលឲ្យទ្រេត កាលពីវេលាម៉ោង ១០ និង ៤០នាទីយប់ថ្ងៃទី៣១ ខែឧសភា ឆ្នាំ២០២១ ស្ថិតនៅតាមបណ្ដោយផ្លូវ២៥៣ កែងនិងផ្លូវ១៦០ ក្នុងសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តកុងតឺន័រមួយគ្រឿងម៉ាក ហ៊ីយ៉ាន់ដាយ ក្បាលពណ៌ស ពាក់ស្លាកលេខភ្នំពេញ3E-6707បើកបរដោយបុរសម្នាក់ តាមបណ្ដោយផ្លូវ២៥៣ ទិសដៅពីត្បូងមកជេីង ខណៈមកដល់ចំណុចកេីតហេតុកែងផ្លូវ១៦០ ក៏បានថយក្រោយចូលឃ្លាំងទំនិញ មិនប្រយ័ត្នបានជ្រុលទៅបុកបង្គោលស្លាកសញ្ញាចរាចរណ៍នៅតាមចិញ្ចើមផ្លូវបណ្តាលលឲ្យទ្រេតមួយដេីម ឯរថយន្តបង្កត្រូវបានសមត្ថកិច្ចឃាត់ជាប់នៅនឹងកន្លែង ។
ក្រោយកើតហេតុ សមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទៅរក្សាទុករង់ចាំធ្វើការដោះស្រាយគ្នាទៅតាមច្បាប់៕
ដោយ ៖ ភារ៉ា ដង្កោ
