សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រដ្ឋបាលខណ្ឌទួលគោកមានកិត្តិយស សូមជម្រាបជូនដំណឹងដល់បងប្អូនប្រជាពលរដ្ឋក្នុងមូលដ្ឋានសង្កាត់ ផ្សារដើមគនិងសង្កាត់បឹងសាឡាង ខណ្ឌទួលគោក ឲ្យបានជ្រាបថាៈ យុទ្ធនាការចាក់វ៉ាក់សាំងដូសទី២ សម្រាប់ ប្រជាពលរដ្ឋនៅសង្កាត់បឹងសាឡាង ដែលស្ថិតនៅសាលាបឋមសិក្សាបឹងសាឡាង និងត្រូវបិទបញ្ចប់នៅវេលាម៉ោង… ១៦ និង ៣០នាទី ថ្ងៃទី០១ មិថុនា ឆ្នាំ២០២១ ខាងមុខនេះ។
អាស្រ័យហេតុនេះ សូមបងប្អូនប្រជាពលរដ្ឋដែលរស់នៅសង្កាត់ទាំង២ខាងលើ ដែលបានចាក់វ៉ាកសាំង ដូសទី១ រួចហើយ អញ្ជើញមកចាក់វ៉ាក់សាំងដូសទី២ ដែលមានទីតាំងនៅ សាលាបឋមសិក្សាបឹងសាឡាង ស្ថិតក្នុង សង្កាត់បឹងសាឡាង ដោយភ្ជាប់មកជាមួយនូវឯកសារចាក់វ៉ាក់សាំងលើកទី១។
រដ្ឋបាលខណ្ឌទួលគោកសង្ឃឹមជឿជាក់ថា បងប្អូនប្រជាពលរដ្ឋ ក្នុងមូលដ្ឋានសង្កាត់ទាំង២ខាងលើ នឹង ចូលរួមអនុវត្តន៍សេចក្តីជូនដំណឹងនេះឲ្យមានប្រសិទ្ធភាព៕
ដោយ៖ សុខ ខេមរា
