សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសសង្ស័យជាមុខសញ្ញា៤នាក់ត្រូវបានបានសមត្ថកិច្ចកម្លាំងជំនាញគ្រឿងញៀន នគរបាលខេត្ត សហការជាមួយកម្លាំង អធិកាដ្ឋាននគរបាលក្រុង បានធ្វើការឃាត់ខ្លួនពាក់ព័ន្ធករណីជួញដូរគ្រឿងញៀន។
ការឃាត់ខ្លួននេះបានធ្វើឡើងកាលពីវេលាម៉ោង ១រសៀលថ្ងៃទី០៥ ខែមិថុនាឆ្នាំ ២០២១ ស្ថិតក្នុងភូមិចុងព្រែក សង្កាត់ស្វាយរៀង ក្រុងស្វាយរៀង។
សមត្ថកិច្ចនគរបាលបានឱ្យដឹងថា សង្ស័យ មាន៖
ទី១- ឈ្មោះស៊ឹម ឌីម៉ង់ អាយុ ២០ ឆ្នាំ មុខរបរកម្មករ រស់នៅភូមិចុងព្រែក សង្កាត់ស្វាយរៀង ក្រុងស្វាយរៀង ដកហូតសម្ភារវត្ថុតាងម្សៅក្រាមពណ៌សថ្លាសង្ស័យជាថ្នាំញៀនចំនួន ០១ កញ្ចប់តូចទូរស័ព្ទដៃ០១គ្រឿង។
ទី២- ឈ្មោះវ៉ា សុវណ្ណមិនា អាយុ ៣១ ឆ្នាំមុខរបរកម្មកររស់នៅភូមិចុងព្រែក សង្កាត់ស្វាយរៀងក្រុងស្វាយរៀង។
ទី៣- ឈ្មោះគឹម សុធារិទ្ធ អាយុ ១៩ ឆ្នាំមុខរបរមិនពិតប្រាកដ រស់នៅភូមិស្វាយរៀង សង្កាត់ស្វាយរៀង ក្រុងស្វាយរៀង។
ទី៤- ឈ្មោះនួន វង្សពុទ្ធស៊ីធាន អាយុ ១៩ ឆ្នាំ មុខរបរមិនពិតប្រាកដ រស់នៅភូមិចុងព្រែក សង្កាត់ស្វាយរៀង ក្រុងស្វាយរៀង ព្រមទាំងដកហូតសម្ភារវត្ថុតាងទូរស័ព្ទដៃ០១គ្រឿង។
សរុបដកហូតវត្ថុតាងរួមមាន៖ម្ស៉ៅក្រាមពណ៌សថ្លាសង្ស័យជាថ្នាំញៀនចំនួន០១កញ្ចប់ទូរស័ព្ទដៃចំនួន០២គ្រឿងឧបករណ៍ និងបំពង់កែវសម្រាប់ជក់ថ្នាំញៀនមួយចំនួន។
បច្ចុប្បន្នជនសង្ស័យទាំង៤នាក់ត្រូវបានសមត្ថកិច្ចឃាត់ខ្លួននៅការិយាល័យជំនាញដើម្បីចាត់ការបន្តតាមច្បាប់ ៕
ដោយ៖យឹម សុថាន
