សារព័ត៌មាន នគរវត្ត តែងតែនាំមុខគេជានិច្ច
ក្លិប Wolves បានតែងតាំងអតីតគ្រូបង្វឹកក្រុម Benfica លោក Bruno Lage ធ្វើជាអ្នកចាត់ការថ្មីរបស់ពួកគេជាផ្លូវការហើយ។ នេះបើយោងតាមការចេញផ្សាយរបស់ BBC Sport កាលពីរាត្រីថ្ងៃទី៩ ខែមិថុនា ឆ្នាំ២០២១។
លោក Lage ធ្លាប់ជាជំនួយការរបស់លោក Carlos Carvalhal នៅក្លិបSheffield Wednesday និង Swansea មុនពេលចូលរួមជាមួយក្រុមBenfica ជាកន្លែងដែលគាត់បានឈ្នះពានរង្វាន់ព័រទុយហ្គាល់កាលពីឆ្នាំ២០១៩ ។
បុរសវ័យ៤៥ឆ្នាំរូបនេះទទួលជោគជ័យដោយបានជំនួសតំណែងមិត្តរួមជាតិព័រទុយហ្គាល់លោក Nuno Espirito Santo ដែលបានចាកចេញពីក្រុម Wolves នៅចុងបញ្ចប់នៃរដូវកាលនេះបន្ទាប់ពីចំណាយពេល៤ឆ្នាំនៅកីឡដ្ឋាន Molineux ។
លោក Nuno Espirito Santo ដែលបានទទួលបន្ទុកនៅ Wolves កាលពីឆ្នាំ2017 បានឈ្នះ Championship នៅក្នុងរដូវកាលដំបូងរបស់គាត់មុនពេលដឹកនាំក្លិបឱ្យទទួលបានចំណាត់ថ្នាក់ទី៧ ជាបន្តបន្ទាប់នៅក្នុងក្របខ័ណ្ឌ Premier League ។ គាត់បានលាឈប់ពីខែមុនបន្ទាប់ពីក្លិបបានបញ្ចប់ក្នុងចំណាត់ថ្នាក់ទី១៣បើទោះបីជាទើបតែចុះកុងត្រារយៈពេល៣ឆ្នាំដល់ឆ្នាំ២០២៣ ក្នុងខែកញ្ញា។
លោក Lage បានឈប់ធ្វើការចាប់តាំងពីចាកចេញពី Benfica កាលពីខែមិថុនាឆ្នាំមុនបន្ទាប់ពីទទួលបាន១៨ខែ។ គាត់បានកាន់កាប់ក្លិបនេះនៅដើមខែមករា ឆ្នាំ២០១៩ ហើយក្រុមនេះបានបញ្ចប់រដូវកាលក្នុងនាមជាម្ចាស់ជើងឯកលីគកំពូលព័រទុយហ្គាល់។ ទោះយ៉ាងក្រោមការដឹកនាំរបស់លោកមិនល្អទេហើយលោក Lage ត្រូវបានបណ្តេញចេញនៅខែមិថុនាឆ្នាំ២០២០ ។
លោក Lage មិនដែលលេងបាល់ទាត់ប្រកបដោយវិជ្ជាជីវៈទេ ហើយបានចាប់ផ្តើមអាជីពជាគ្រូបង្វឹកនៅឯក្រុម Vitoria Setubal តាំងពីអាយុ២១ឆ្នាំក្នុងឆ្នាំ១៩៩៧ ។
លោក Lage បានផ្លាស់ទៅប្រទេសអង់គ្លេសជាលើកដំបូងក្នុងនាមជាជំនួយការរបស់លោក Carvalhal នៅក្លិប Sheffield Wednesday ក្នុងឆ្នាំ២០១៥ បន្ទាប់ពីគាត់ទៅ Swansea នៅខែធ្នូ ឆ្នាំ២០១៧ មុនពេលគាត់ត្រលប់ទៅព័រទុយហ្គាល់នៅចុងបញ្ចប់នៃរដូវកាល២០១៧-២០១៨ ដើម្បីធ្វើជាគ្រូបង្វឹកក្រុម Benfica B ។
លោក Lage បាននិយាយថា “ខ្ញុំសប្បាយចិត្តរំភើប និងមានមហិច្ឆតាធំក្នុងការធ្វើរឿងអស្ចារ្យសម្រាប់ក្លិបនេះ។ ខ្ញុំពិតជារីករាយណាស់ វាជាឱកាសដ៏ធំមួយ។ ខ្ញុំពិតជារីករាយណាស់ ព្រោះខ្ញុំបានវិលត្រឡប់មកប្រទេសនេះនិងធ្វើជាអ្នកគ្រប់គ្រងក្រុមធំ”។
លោកបន្តថា “ខ្ញុំចង់បង្កើតទម្រង់លេងល្អជាមួយអ្នកធ្វើការទាំងអស់នៃក្លិប។ ខ្ញុំបានព្យាយាមផ្សារភ្ជាប់ជាមួយគ្នាដើម្បីចាប់ផ្តើមកសាងរដូវកាលថ្មី។វាជាឱកាសដ៏ល្អមួយក្នុងការស្វែងយល់នូវអ្វីដែលលោក Nuno EspiritoSanto បានធ្វើក្នុងរយៈពេល៤ឆ្នាំ ហើយមហិច្ឆតារបស់ខ្ញុំគឺត្រូវបន្ត និងកែលំអអ្វីដែលគាត់បានធ្វើ” ៕
ដោយ៖ ភារៈ
