សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ អាជ្ញាធរខេត្តឧត្តរមានជ័យ បានចេញសេចក្តីសម្រេចផ្អាកធ្វើអាជីវកម្មបណ្តោះអាសន្ន របស់ចំណតរថយន្តអូរស្មាច់ ស្ថិតក្នុងភូមិអូរស្មាច់ សង្កាត់អូរស្មាច់ ក្រុងសំរោង ជាប់ព្រំដែនកម្ពុជា-ថៃ ក្រោយពាក់ព័ន្ធស្ត្រីម្នាក់មានវិជ្ជមានជំងឺកូវីដ-១៩។
នៅក្នុងសេចក្តីសម្រេចរបស់រដ្ឋបាលខេត្តឧត្តរមានជ័យ នៅព្រឹកថ្ងៃទី១០ ខែមិថុនា ឆ្នាំ២០២១នេះ បានបញ្ជាក់ថា សម្រេចផ្អាកជាបណ្តោះអាសន្នអាជីវកម្ម «ចំណតរថយន្តអូរស្មាច់» ស្ថិតនៅភូមិអូរស្មាច់ សង្កាត់អូរស្មាច់ ក្រុងសំរោង ដែលមានការពាក់ព័ន្ធអ្នកមានជំងឺកូវីដ-១៩ ឈ្មោះ ឈុំ ជៀន ភេទស្រី អាយុ៥៧ឆ្នាំ រស់នៅភូមិអូរស្មាច់ ចាប់ពីថ្ងៃទី០៩ ខែមិថុនា ឆ្នាំ២០២១នេះតទៅ។
ក្នុងអំឡុងពេល នៃការបិទបណ្តោះអាសន្ន នៃអាជីវកម្ម ម្ចាស់ទីតាំងត្រូវគោរពអនុវត្តឲ្យបានម៉ឺងម៉ាត់ តាមវិធានការរដ្ឋបាល និងវិធានការនានារបស់រដ្ឋបាលខេត្តជាធរមាន។
គួរបញ្ជាក់ថា គិតត្រឹមថ្ងៃទី០៩ ខែមិថុនា ឆ្នាំ២០២១នេះ ខេត្តឧត្តរមានជ័យ រកឃើញជំងឺកូវីដ-១៩ ចំនួន១០១ករណី ក្នុងករណីនាំចូលពីបរទេស ចំនួន៩៦ករណី ករណីឆ្លងក្នុងសហគមន៍២០កុម្ភៈ ចំនួន៥ករណី បានព្យាបាលជាសះស្បើយ ចំនួន៣០នាក់ និងកំពុងសម្រាកព្យាបាល ចំនួន៧១នាក់៕
សូមអានព័ត៌មានលម្អិតនៅក្នុងសេចក្តីសម្រេចរបស់រដ្ឋបាលខេត្តឧត្តរមានជ័យ ខាងក្រោមនេះ ៖
ដោយ៖សហការី
