សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានករណីគ្រោះថ្នាក់ចរាចរណ៍មួយរវាងរថយន្តហាយឡេនឌ័របុកជាមួយរថយន្តស៊េរីទំនេីបឡង់គ្រីស័រ ដែលបិទLogo Police បណ្ដាលឲ្យរងការខូចខាតទាំងសងខាង និងបានរំខានដល់ដំណេកប្រជាពលរដ្ឋកាលពីវេលាម៉ោង១២ និង៤០នាទីរំលងអធ្រាត្រ ឈានចូលថ្ងៃទី២០ ខែមិថុនា ឆ្នាំ២០២១ ស្ថិតនៅតាមបណ្ដោយផ្លូវលេខ១៦៣ កែងនិឹងផ្លូវលេខ៤៦៨ ក្នុងសង្កាត់ទួលទំពូង១ ខណ្ឌចំការមន ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុ រថយន្តម៉ាក ឡង់គ្រីស័រ ពណ៌ខ្មៅ គ្មានស្លាកលេខ តែបិទLogo Police បានធ្វេីដំណេីរតាមបណ្ដោយផ្លូវលេខ១៦៣ ក្នុងទិសដៅពីត្បូងទៅជេីងក្នុងល្បឿនលឿនល្មម ខណៈមកដល់ចំណុចកេីតហេតុក៏ត្រូវបានរថយន្តហាយឡេនឌ័រ ពណ៌ស ពាក់ស្លាកលេខ តាកែវ 2A-1988 ដែលធ្វេីដំណេីរបញ្ច្រាសទិសគ្នាក្នុងល្បឿនលឿនជ្រុលទៅបុករថយន្តឡង់គ្រីស័រចំបញ្ឆិតទ្វារខាងឆ្វេងអូសទៅបុកកង់ក្រោយថែមទៀត ធ្វេីឲ្យរថយន្តឡង់គ្រីស័រវិលជិតមួយជុំរងការខូចខាតយ៉ាងដំណំ ចំណែកឯរថយន្តហាយឡេនឌ័រវិញបានដាច់កាឡេកង់មុខផ្នែកខាងឆ្វេងខូចខាតយ៉ាងដំណំដូចគ្នា ។
ក្នុងករណីគ្រោះថ្នាក់ចរាចរណ៍ខាងលេីនេះមិនបណ្ដាលឲ្យមនុស្សណាម្នាក់រងរបួសនោះឡេីយ ។ ក្រោយមកសមត្ថកិច្ចមូលដ្ឋានបានចុះមកដល់ហេីយសម្របសម្រួលឱ្យភាគីទាំងសងខាងដោះស្រាយគ្នានៅនឹងកន្លែងដែរ តែពួកគេនិយាយមិនត្រូវរ៉ូវគ្នា ទេីបសមត្ថកិច្ចទាក់ទងទៅជំនាញចរាចរណ៍ឲ្យមកធ្វេីការវាស់វែងយករថយន្តទាំងពីរគ្រឿងនេះទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមក្រោយ ៕
ដោយ ៖ ភារ៉ា ដង្កោ
