សារព័ត៌មាន នគរវត្ត តែងតែនាំមុខគេជានិច្ច
កីឡាករ Cristiano Ronaldo បានឈរនៅលើគេក្នុងបញ្ជីឈ្មោះជាបុគ្គលមានអ្នក Follow ក្នុង Instagram ព្រោះថាតារាល្បីរូបនេះទទួលបានលុយច្រើនជាងអ្នកដទៃសម្រាប់ការបង្ហោះនៅក្នុង Instagram។
ខ្សែប្រយុទ្ធរបស់ក្លិបសេះបង្កង់ Juventus រូបនេះអាចគិតថ្លៃអ្នកផ្សាយពាណិជ្ជកម្មចំនួន១,៦លានដុល្លារអាមេរិកក្នុងមួយប្រកាសផ្សាយពាណិជ្ជកម្មនៅលើគណនីរបស់គាត់។ នេះបើយោងតាមក្រុមហ៊ុនទីផ្សារបណ្តាញសង្គម Hopper HQ ។
អតីតតារាឆ្នើមរបស់ក្លិប Real Madrid កីឡាកររ៉ូណាល់ដូបានផ្តួលកីឡាករលេងបាល់ឱបដែលជាតារាសម្តែងឈ្មោះ Dwayne ឬ The Rock Johnson ។ នេះជាលើកទី១ ហើយដែលរ៉ូណាល់ដូជាប់ចំណាត់ថ្នាក់កំពូលដែលបានចាប់ផ្តើមនៅឆ្នាំ២០១៧ ។ ម្ចាស់ពានរង្វាន់ Ballon d’Or ៥សម័យកាលរូបនេះមានអ្នក Follow ក្នុង Instagram ចំនួន៣០៨លាននាក់។
The Rock Johnson ដែលដើរតួជាអ្នករកស៊ីភាពយន្តរឿងហូលីវូដ មានអ្នកគាំទ្រចំនួន២៥០លាននាក់ហើយអាចរកប្រាក់បានជាង ១,៥២លានដុល្លារ ក្នុងមួយប្រកាសផ្សាយពាណិជ្ជកម្ម ខណៈតារាប៉ុប Ariana Grande ទទួលបាន១,៥១លានដុល្លារ ឈរនៅចំណាត់ថ្នាក់លេខ៣ ។
កីឡាករ Lionel Messi ដែលនៅសប្តាហ៍នេះបានក្លាយជាកីឡាករគ្មានតម្លៃខ្លួនក្នុងពេលផ្ទេរ បន្ទាប់ពីកិច្ចសន្យារបស់គាត់បានផុតសុពលភាពនៅ Barcelona គឺជាកីឡាតែមួយគត់ដែលមានចំណាត់ថ្នាក់កំពូលទាំង១០ក្នុង Instagram ដែរ។
កីឡាករអាហ្សង់ទីនរូបនេះដែលមានអ្នកគាំទ្រចំនួន២២៤លាននាក់អាចគិតថ្លៃរហូតដល់ ១,១ លានដុល្លារ ក្នុងមួយប្រកាសផ្សាយពាណិជ្ជកម្មដែលគាត់ជាប់ចំណាត់ថ្នាក់លេខ៧។
ខ្សែប្រយុទ្ធ Paris St-Germain កីឡាករ Neymar ទទួលបានចំណូលពី Instagram ចំនួន៨២៤,០០០ ដុល្លារ គឺជាកីឡាករដែលមានចំណាត់ថ្នាក់ខ្ពស់ជាងគេបន្ទាប់នៅលើតារាងចំណាត់ថ្នាក់ទី១៦ ។
ខាងក្រោមនេះគឺជាចំណាត់ថ្នាក់អ្នករកចំណូលបានពី Instagram កំពូលៗទាំង១០រូប៖
១. Cristiano Ronaldo មានអ្នក Follow ៣០៨លាននាក់ ទទួលបានចំណូល១,៦លានដុល្លារ។
២. Dwayne “The Rock” Johnson មានអ្នក Follow ២៥០លាននាក់ ទទួលបានចំណូល១,៥២លានដុល្លារ។
៣. Ariana Grande មានអ្នក Follow ២៤៧លាននាក់ ទទួលបានចំណូល១,៥១លានដុល្លារ។
៤. Kylie Jenner មានអ្នក Follow ២៤៤លាននាក់ ទទួលបានចំណូល១,៤៩លានដុល្លារ។
៥. Selena Gomez មានអ្នក Follow ២៤១លាននាក់ ទទួលបានចំណូល១,៤៦លានដុល្លារ។
៦. Kim Kardashian មានអ្នក Follow ២៣២លាននាក់ ទទួលបានចំណូល១,៤១លានដុល្លារ។
៧. Lionel Messi មានអ្នក Follow ២២៤លាននាក់ ទទួលបានចំណូល១,១៦លានដុល្លារ។
៨. Beyonce Knowles មានអ្នក Follow ១៨៩លាននាក់ ទទួលបានចំណូល១,១៤លានដុល្លារ។
៩. Justin Bieber មានអ្នក Follow ១៨០លាននាក់ ទទួលបានចំណូល១,១១លានដុល្លារ។
១០. Kendall Jenner មានអ្នក Follow ១៧២លាននាក់ ទទួលបានចំណូល១,០៥លានដុល្លារ ៕ដោយ៖ ភារៈ
