សារព័ត៌មាន នគរវត្ត តែងតែនាំមុខគេជានិច្ច
កីឡាករ Leonardo Bonucci បាននិយាយថា ប្រទេសអុីតាលី “មិនខ្លាចទេ” ដើម្បីចូលរួមប្រកួតវគ្គផ្តាច់ព្រ័ត្រ Euro ២០២០ នៅលើទឹកដីអង់គ្លេសនៅពេលដែលភាគីទាំងពីរបានជួបគ្នានៅថ្ងៃអាទិត្យនេះ។ នេះបើយោងតាមការចេញផ្សាយរបស់ BBC Sport ។
ក្រុមជម្រើសជាតិអុីតាលីបានផ្តួលអេស្ប៉ាញដោយបាល់ប៉េណាល់ទីបន្ទាប់ពីការប្រកួតវគ្គពាក់កណ្តាលផ្តាច់ព្រ័ត្រនៅពហុកីឡដ្ឋាន Wembleyកាលពីថ្ងៃអង្គារ។
កីឡាករ Bonucci បាននិយាយថា “ទោះបីជាវានឹងមានប្រជាជនអង់គ្លេសភាគច្រើនក៏ដោយ នឹងផ្តល់កម្លាំងចិត្តបន្ថែមដល់យើង” ។ អ្នកគាំទ្រអុីតាលីប្រហែល ១.០០០ នាក់នឹងត្រូវបានអនុញ្ញាតឱ្យនៅខាងក្នុង Wembleyមើលការប្រកួត។
ខ្សែការពារ Bonucci របស់ក្រុម Juventus វ័យ៣៤ឆ្នាំរូបនេះនឹងត្រូវចាប់ដៃគូជាមួយខ្សែការពារកណ្តាលវ័យ៣៦ឆ្នាំ Giorgio Chiellini ដើម្បីប្រឈមមុខជាមួយក្រុមអង់គ្លេសដែលមានអាយុជាមធ្យម២៥ ឆ្នាំទៅហើយ។
ការរង់ចាំរយៈពេល៥៥ឆ្នាំរបស់អង់គ្លេសដើម្បីឈានដល់វគ្គផ្តាច់ព្រ័ត្រយូរ៉ូបានកើតឡើងកាលពីថ្ងៃពុធខណៈដែលពួកគេបានទទួលជ័យជម្នះក្នុងម៉ោងបន្ថែមទល់នឹងក្រុមដាណឺម៉ាក។
ការទាត់បាល់ពិន័យ Free-kick របស់ខ្សែបម្រើស្លាបសញ្ជាតិដាណឺម៉ាក Mikkel Damsgaard គឺជាគ្រាប់បាល់តែមួយគត់ដែលអង់គ្លេសបានទទួលស្គាល់នៅក្នុងការប្រកួតហើយ Bonucci បានសរសើរយ៉ាងខ្លាំង ចំពោះខ្សែបម្រើស្លាបរូបនេះ ។
ក្រុមជម្រើសជាតិអុីតាលីដែលឈ្នះពានរង្វាន់ពិភពលោកចំនួន៤លើកកំពុងតែស្វែងរកការលើកពានអឺរ៉ុបជាលើកដំបូងរបស់ពួកគេចាប់តាំងពីឆ្នាំ១៩៦៨ ៕
ដោយ ៖ ភារៈ(រូបថត : BBC Sport )
