អាហ្សង់ទីនគ្រងជើងឯក Copa America ជាលើកទី១៥ ក្រោយខកខានរយៈពេល២៨ឆ្នាំ

ចែករំលែក៖

ក្រុមជម្រើសជាតិអាហ្សង់ទីនបានឈ្នះពានរង្វាន់ធំលើកដំបូងរបស់ពួកគេក្រោយខកខានរយៈពេល២៨ឆ្នាំនៅព្រឹកថ្ងៃអាទិត្យទី១១ កក្កដានេះ នៅពេលដែលគ្រាប់បាល់របស់ខ្សែប្រយុទ្ធ Angel Di Maria បានជួយឱ្យប្រទេសនេះទទួលបានជ័យជម្នះ ១-០ លើប្រទេសប្រេស៊ីល គ្រងជើងឯកCopa America លើកទី១៥របស់ខ្លួន។

យោងតាមការចេញផ្សាយរបស់សារព័ត៌មានរ៉យទ័របានឲ្យដឹងថា Angel Di Maria ទទួលបានជ័យជម្នះនៅពាក់កណ្តាលតង់ទី១ក្នុងនាទីទី២២នៅពេលដែលរូបគេបានស៊ុតបាល់ពីចម្ងាយយ៉ាងល្អចូលទីក្រុមប្រើស៊ីល។១គ្រាប់នេះគឺជាគ្រាប់បាល់ជ័យជម្នះរបស់អាហ្សង់ទីនក្នុងការគ្រងជើងឯកពានរង្វាន់ទ្វីបអាមេរិកខាងត្បូង Copa America នៅឆ្នាំនេះ។

ជ័យជម្នះរបស់អាហ្សង់ទីនគឺជាជ័យជំនះពិសេសមួយសម្រាប់ខ្សែប្រយុទ្ធឆ្នើម Lionel Messi របស់ក្រុម Barcelona ដែលបានឈ្នះពានរង្វាន់កិត្តិយសជាលើកដំបូងរបស់គេបន្ទាប់ពីក្លិប និងកិត្តិយសជាង១ទសវត្សរ៍។

ខ្សែប្រយុទ្ធ Messi ត្រូវបានជាប់ជាកីឡាករឆ្នើមក្នុងការរកគ្រាប់បាល់បានច្រើនជាងគេដោយមាន៤គ្រាប់ និងត្រូវបានជាប់ជាកីឡាករឆ្នើមរួមគ្នារួមជាមួយ Neymar ដែរ ក្នុងព្រឹត្តិការណ៍ Copa America ឆ្នាំនេះ ។

សូមបញ្ជាក់ថា ការប្រកួត Copa America បានចប់សព្វគ្រប់មុនពេលព្រឹត្តិការណ៍យូរ៉ូដែលនឹងចប់នៅរាត្រីថ្ងៃនេះ ក្នុងនោះក្រុមជម្រើសជាតិអាហ្សង់ទីនជាម្ចាស់ជើងឯក, ប្រេស៊ីលជាជើងឯករង, កូឡុំប៊ីជាប់ចំណាត់ថ្នាក់លេខ៣ ក្រោយពេលយកឈ្នះប៉េរ៉ូ៣ទល់២កាលពីម្សិលមិញ៕