បុរសជនជាតិចិនម្នាក់លោតសម្លាប់ខ្លួននៅអគារThe BRIDGE

ភ្នំពេញ ៖ បុរសជនរងគ្រោះម្នាក់បានសម្រេចចិត្តលោតសម្លាប់ខ្លួនពីលើអគារបណ្ដាលឱ្យស្លាប់បង្កការភ្ញាក់ផ្អើល កាលវេលាម៉ោង៣និង៣០នាទីរសៀលថ្ងៃទី១៦ ខែ កក្កដា ឆ្នាំ ២០២១នៅចំណុចចំណតរថយន្តThe BRIDGE តាមផ្លូវ៧៨ ក្រុម៧៨ ភូមិ១៤ សង្កាត់ ទន្លេបាសាក់ ខណ្ឌចំការមន ។

ប្រភពព័ត៌មានពីប្រជាពលរដ្ឋបានឱ្យដឹងថាប្រទះឃើញបុរសជនជាតិចិនម្នាក់វ័យប្រហែល៣០ឆ្នាំជាង កាត់សក់ខ្លីស្លៀកខោពណ៌ខ្មៅជើងវែងពាក់អាវយឺតដៃខ្លីពណ៌ខ្មៅ ស្បែកជើងឃ្លុបពណ៌ខ្មៅបានដើរមកផ្សារចិនហូបគុយទាវនៅមុខអគារThe BRIDGE រួចក៏បានដើរទៅវិញម៉ោង៣និង១០នាទីរសៀលក្រោយមកប្រហែល១០នាទីក៏បង្កការភ្ញាក់ផ្អើលបានប្រទះឃើញដោយសន្តិសុខក្នុងអគារស្រែកផ្អើលឆោឡោថាបុរសជនជាតិចិននោះបានលោតពីបង្កាន់ដៃថ្មចន្លោះទី៥ជាន់ទី៤នៃអគារលោតសម្លាប់ខ្លួនទាំងមិនដឹងមូលហេតុច្បាស់លាស់ពេលទៅសួរនាំសន្តិសុខទើបដឹងថាមុនកើតហេតុជនរងគ្រោះបានហូបគុយទាវអស់១ចាន ។

សមត្ថកិច្ចបញ្ជាក់ថាក្រោយកើតហេតុមានករណីបុរសម្នាក់បានលោតសម្លាប់ខ្លួននៅចំណតរថយន្តអគារThe BRIDGEហាមមិនឱ្យអ្នកណាចូលក្រៅពីសមត្ថកិច្ចនិងយកខ្សែហ៊ុំព័ទ្ធរង់ចាំក្រុមគ្រូពេទ្យមកយកសំណាកសពជនរងគ្រោះមុននិងជំនាញកោសល្យវិច័យស្នងការដ្ឋានរាជធានីភ្នំពេញហើយលទ្ធផលតេស្តជំងឺកូវីដ-១៩អវិជ្ជមានគ្មានផ្ទុកជំងឺកូវីដ-១៩ទេ ហើយក៏បានសហការជាមួយព្រហ្មទណ្ឌខណ្ឌដើម្បីពិនិត្យកន្លែងហេតុនិងសពជនរងគ្រោះតែបឋមការសន្និដ្ឋានជនរងគ្រោះធ្វើអត្តឃាតលោតសម្លាប់ខ្លួនបណ្ដាលរងរបួសបែកក្បាលធ្ងន់ធ្ងររហូតដល់ស្លាប់ ។យោងតាមសាក្សីដែលបានដឹងថាបុរសខាងលើបម្រុងលោតសម្លាប់ខ្លួនតាំងព្រឹកថ្ងៃ១៥ម្ដងមកហើយតែដោយសន្តិសុខបានហាមឃាត់ទាន់ពេលរួចបានចេញពីអគាររំលងបានតែ១ថ្ងៃមិនបានមើលភ្លេចខ្លួនលោតសម្លាប់ខ្លួនទាល់តែបានតែមិនដឹងថាជនរងគ្រោះមានវិបត្តិអ្វីនោះទេហើយក៏មិនមានលិខិតឆ្លងដែននៅនិងខ្លួនដែរមិនដឹងស្នាក់នៅឯណាផងដែរ ។

ចំណែកសពយកតម្កល់នៅវត្តទឹកថ្លារង់ចាំស្វែងរកសាច់ញាតិជាក្រោយទៀត៕

ដោយ៖ ជីណា