សារព័ត៌មាន នគរវត្ត តែងតែនាំមុខគេជានិច្ច
ក្លិបកាំភ្លើងធំ Arsenal បានយល់ព្រមលើកិច្ចព្រមព្រៀងជាគោលការណ៍សម្រាប់ការផ្ទេរទឹកប្រាក់៥០ លានផោនសម្រាប់ខ្សែការពារ Brighton កីឡាករ Ben White ។ កីឡាកររូបនេះគឺជាអ្នកដែលបានលេងឲ្យក្រុមជម្រើសជាតិអង់គ្លេសក្នុងព្រឹត្តិការណ៍យូរ៉ូ២០២០ ក្រោមការដឹកនាំរបស់លោក Gareth Southgate ។
កីឡាករ Ben White វ័យ២៣ឆ្នាំ ត្រូវបានលេងឲ្យក្លិប Southampton កាលពីនៅក្មេងមុនពេលត្រូវបានចុះហត្ថលេខាដោយក្លិប Brighton ។កីឡាកររូបនេះធ្លាប់បានលេងឲ្យ Leeds ក្នុងឆ្នាំ ២០១៩-២០២០ ដែលក្លិបនេះបានឈ្នះពានរង្វាន់លីគទី២របស់អង់គ្លេស Championship ។
ទម្រង់លេងរបស់ Ben White សម្រាប់ក្រុម Leeds បានទាក់ទាញចំណាប់អារម្មណ៍ពីក្លិបឈានមុខគេជាច្រើន ហើយបានជំរុញឱ្យ Brighton ធានាគាត់នៅលើកិច្ចសន្យាថ្មី៤ឆ្នាំកាលពីរដូវក្តៅមុន។
កិច្ចព្រមព្រៀងនោះបានធ្វើឱ្យ Ben White ស្ថិតក្នុងជំហរចរចាយ៉ាងសំខាន់មួយនៅរដូវក្តៅនេះ ហើយគេយល់ថា សំណើដេញថ្លៃចំនួនពីរពីក្រុមកាំភ្លើងធំមុនពេលកិច្ចព្រមព្រៀងត្រូវបានឈានដល់ចំពេលមានការចាប់អារម្មណ៍ពីក្លិបផ្សេងទៀតនៃក្របខ័ណ្ឌ Premier League ។
ការផ្ទេរនេះកើតឡើងនៅពេល Arsenal ចែកផ្លូវគ្នាជាមួយខ្សែការពារប្រេស៊ីល David Luiz បន្ទាប់ពីកិច្ចសន្យារបស់គាត់ផុតកំណត់។ ក្រុមកាំភ្លើងធំក៏បានចុះហត្ថលេខាលើខ្សែការពារឆ្វេង Nuno Tavares វ័យ២១ឆ្នាំពី Benfica ក្នុងតម្លៃ៨លានផោននៅរដូវក្តៅនេះផងដែរ ៕
ដោយ៖ ភារៈ(រូបថត ៖ BBC Sport)
