សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកូរ៉េដឹកអីវ៉ាន់រោងចក្របានបេីកបត់ឆ្លងផ្លូវមិនប្រយ័ត្នត្រូវម៉ូតូបើកមកបុកពីចំហៀងពេញទំហឹងបណ្តាលឱ្យរងការខូចខាត តែសំណាងអ្នកបើកម៉ូតូរងរបួសស្រាល។
ហេតុការណ៍នេះបានកេីតឡេីងកាលពីវេលាម៉ោង២និង៥០នាទីរសៀលថ្ងៃទី២០ ខែកក្កដា ឆ្នាំ២០២១ នៅចំណុចខាងលិចផ្លូវរថភ្លេីងចម្ងាយប្រហែល១០០ម៉ែត្រ លេីកំណាត់ផ្លូវជាតិលេខ៤ ក្នុងភូមិអង្គកែវ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តកូរ៉េ ពណ៌ខៀវ ពាក់ស្លាកលេខភ្នំពេញ2F-2867 ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីលិចទៅកេីត ខណៈមកដល់ចំណុចកេីតហេតុក៏ទាញចង្កូតបត់ឆ្វេងឆ្លងផ្លូវ លុះឆ្លងជិតផុតហើយក៏ស្រាប់តែមានបុរសម្នាក់ជិះម៉ូតូម៉ាកឃ្លីក ពណ៌ស ពាក់ស្លាកលេខបាត់ដំបង 1AE-3829 ធ្វេីដំណេីរតាមបណ្តោយផ្លូវជាតិលេខ៤ក្នុងទិសដៅពីកេីតទៅលិចចាប់ហ្វ្រ័ងមិនទាន់ក៏ជ្រុលទៅបុកចំពីចំហៀងពេញទហឹងបណ្តាលឱ្យរងការខូចខាត តែសំណាងល្អម្ចាស់ម៉ូតូរងរបួសស្រាល។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុនិងធ្វេីការសម្របសម្រួលទៅលេីភាគីទាំងសងខាង៕
ដោយ៖សុខាសែនជ័យ
