សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានជនឆ្លៀតឱកាសមួយក្រុមបានចាក់ដីលុបស្ទឹងព្រែកត្នោតដ៏ធំមួយកន្លែង រួមទាំងបោះបង្គោល ដែលជាប្រព័ន្ធទឹក ធារាសាស្ត្រ ផ្លូវបង្ហូរទឹក ដេីម្បីការពារទប់ស្កាត់នារដូវវស្សា ស្ថិតនៅ ភូមិសាក់សំពៅ សង្កាត់សាក់សំពៅ ខណ្ឌដង្កោ ខណៈប្រជាពលរដ្ឋមានការសង្ស័យថាអាជ្ញាធរមានការអនុញ្ញាត ឬយោគយល់ដោយការដាក់គ្នាជាប្រព័ន្ធទៅហេីយ , ទេីបបណ្ដោយឲ្យឈ្មួញលុបស្ទឹងព្រែកត្នោតដ៏ធំនេះបានយ៉ាងរលូន។ ឬមួយក៏អ្នកចាក់ដីនោះច្បាប់អនុញ្ញាតអោយលុបស្ទឹង កន្លែងប្រព័ន្ធធារាសាស្ត្រ ផ្លូវបង្ហូរទឹក ?
សូមជម្រាបផងដែរថា, ការចាក់ដីលុបជាយស្ទឹងព្រែកត្នោតដ៏ធំខាងលេីនេះ មិនដឹងថាឈ្មួញត្រូវអភិវឌ្ឍន៍ ឬគោលបំណងអ្វីឡេីយ ខណៈក្រុមការងារសារព័ត៌មាន នគរដ្រេហ្កន (កាសែតនគរវត្ត) មិនអាចធ្វេីការបំភ្លឺពីម្ចាស់ទីតាំង ឬគ្មានលេខទូរស័ព្ទ នៅរសៀលថ្ងៃទី២០ ខែកក្កដា ឆ្នាំ២០២១ ។ ជាមួយគ្នានោះក្រុមការងារយេីងក៏បានធ្វើការសាកសួរទៅកាន់លោកស្រី គឹម ញឹប អភិបាល នៃគណៈអភិបាលខណ្ឌដង្កោ តាមរយៈប្រព័ន្ធ Telegram ដោយលោកស្រីលើកឡើងថា , (មានឈ្មួញលួចដឹកដីចេញ ដូច្នេះមិនអាចមានច្បាប់អនុញ្ញាតិទេ ។ លោកស្រីបន្តថា, អរគុណចំពោះការផ្តល់ព័ត័មានមក។) ហេីយចំពោះវិធានការបែបណានោះ លោកស្រីអភិបាលខណ្ឌដង្កោ ក៏មិនបានបញ្ចាក់ឲ្យដឹងដែរ ។
ដូច្នេះហេីយក្រុមការងារ អង្គភាព”នគរដ្រេហ្គន ” នៃកាសែតនគរវត្ត នឹងរង់ចាំការបំភ្លឺជានិច្ចចំពោះបញ្ហាខាងលេីនេះ ខណ:អាជ្ញាធរភូមិ-សង្កាត់ មិនមានចំណាត់ការ ហើយលោកស្រីអភិបាលខណ្ឌថា គ្មានច្បាប់អនុញ្ញាតនោះ ៕
ដោយ ៖ ភារ៉ា ដង្កោ
