សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ អគ្គិភ័យបានឆាបឆេះបន្ទប់ឡៅតឿក្នុងផ្ទះល្វែងបុរីពិភពថ្មី១ ចំការដូង ស្ថិតនៅសង្កាត់ដង្កោ ខណ្ឌដង្កោ បង្កការភ្ញាក់ផ្អេីលដល់ប្រជាពលរដ្ឋ និងសមត្ថកិច្ចចេញរថយន្តពន្លត់អគ្គិភ័យមកជួយធ្វើអន្តរាគមន៍បាញ់ទឹកពន្លត់កាលពីវេលាម៉ោង៤និង៥០នាទីរសៀល ថ្ងៃទី២០ ខែកក្កដា ឆ្នាំ២០២១ ។
បេីតាមប្រភពព័ត៌មានពីម្ចាស់ផ្ទះជួលខាងលេីបានប្រាប់ឱ្យដឹងថា រូបគាត់បានមកជួលផ្ទះល្វែងនេះរយ:ពេល៥ទៅ៦ខែហេីយ រីឯឌីសង់ទ័រចេះតែលោត ហេីយគាត់បានប្រាប់ទៅម្ចាស់ផ្ទះដែរ តែម្ចាស់ផ្ទះជួលឲ្យប្រេីទៅមិនអីទេ ។ រហូតដល់វេលាកើតហេតុក៏ស្រាប់តែឆ្លងចរន្តអគ្គិសនីធ្លាក់ផ្កាភ្លើងលើអាសន:ឆាបឆេះរាលដាលដល់ពូកបង្កឲ្យមានការភ្ញាក់ផ្អើលដល់បងប្អូនអ្នកជិតខាងនាំគ្នាយកបំពង់ពន្លត់អគ្គិភ័យនឹងតទុយយោទឹកជួយបាញ់ការពារមិនឲ្យរាលដាល ព្រមទាំងប្រញាប់រាយការណ៍ជូនដល់កម្លាំងសមត្ថកិច្ចនិងភ្នាក់ងាររថយន្តពន្លត់អគ្គិភ័យឲ្យមកជួយបាញ់ពន្លត់ ។
បន្ទាប់ពីទទួលបានព័ត៌មានខាងលេីនេះភ្លាម អាជ្ញាធរមូលដ្ឋាន និងមន្ត្រីភ្នាក់ងាររថយន្តពន្លត់អគ្គិភ័យបានចេញរថយន្តចំនួន៣គ្រឿងមកធ្វើការបាញ់ពន្លត់ តែប្រេីទឹកអស់តែ២គ្រឿងក៏រលត់ទៅវិញជាស្ថាពរ និងសល់១គ្រឿងត្រឡប់ទៅវិញ ។ ចំពោះមូលហេតុបណ្ដាលមកពីឆ្លងចរន្តអគ្គិសនី និងបានធ្វេីឲ្យខូចខាតសម្ភារក្នុងបន្ទប់មួយចំនួន តែមិនបណ្ដាលឲ្យមនុស្សណាម្នាក់រងរបួសនោះឡេីយ៕
ដោយ ៖ ភារ៉ា ដង្កោ
