លោកស្រី ហ៊ុន ម៉ាណា និងលោក ឌី វិជ្ជា ជួយដោះស្រាយជីវភាពដល់គ្រួសារមួយដែលកំពុងប្រឈមការលំបាកខណ:ដែលខ្លួនពិការដោយគ្រោះថ្នាក់ចរាចរណ៍

ភ្នំពេញ ៖ ដោយទទួលដំណឹងដ៏សែនលំបាករបស់គ្រួសារលោក ណាម វិរៈ អាយុ ៣៤ឆ្នាំនិងអ្នកស្រី ដា ស្រីឌី  អាយុ ៣៣ឆ្នាំ រស់នៅក្នុងភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។ ទើបនាល្ងាចថ្ងៃទី ២១ ខែ កក្កដា ឆ្នាំ២០២១ម្សិលមុិញនេះ លោកស្រី ហ៊ុន ម៉ាណា និងលោក ឌី វិជ្ជា បានណែនាំអោយលោក ជិន ប៊ុនធឿន និងក្រុមការងារនាំយកអំណោយមួយចំនួនធំ និង ថវិកាដោះស្រាយជីវភាពមួយចំនួនទៀតទៅប្រគល់ជូនដល់គ្រួសារមួយនេះដែលកំពុងប្រឈមនឹងការលំបាកក្នុងជីវភាព ។ 

អំណោយដែលប្រគល់ជូននៅពេលនេះរួមមាន៖ 

១-អង្ករ ២០០គីឡូ

២-ត្រីខ ៥០កំប៉ុង

៣-មី ២កេសធំ

៤-ទឹកដោះគោខាប់ ១កេស

៥-នំធុង ៣ធុង

៦-ខារ៉ាបាវ ៣កេស

៧-ទឹកសុទ្ធ ARUNA 350ml ១០កេស

៨-អំបិល ៣គីឡូ

៩-ប៊ីចេង ៣គីឡូ

១០-ស្ករស ៥គីឡូ

១១-ទឹកត្រី ២យួរ

១២-ទឹកស៊ីអុីវ ២យួរ

១៣-សាចក្រក់ ៣គីឡូ

១៤-សាច់ជ្រូកផាត់ ៣គីឡូ

១៥-ត្រីងៀត ៣គីឡូ 

១៦-សៀង ២គីឡូ

១៧-ឆៃប៉ូវ ២គីឡូ

១៨-ពងទាប្រៃ ១០០គ្រាប់

១៩-ប្រេងកូឡា ១ប្រអប់ /ប្រេងខ្យល់ ១ប្រអប់

២០-ចានដែក ១ /ឆ្នាំងតូច ១ /ឆ្នាំងធំ ១ /ខ្ទះឆា ១ /វែកឆា ១ /វែកបាយ ១ /វែកសម្ល ១ /ស្លាបព្រា និង សម ១ឡូ /កំសៀវ ១ /ចានបាយ ៥ /ចានសម្ល ៥ ។

២១-ខ្នើយ ២ /ម៉ុង ២ /ពូក ១ /ភួយ ៥ /កន្ទេល ២

២២-ច្រាស និងថ្នាំដុសធ្មេញ ២០ ឈុត

២៣-សាប៊ូដុំ ១០ដុំតូច

២៤-ជេលលាងដៃ ៥ដបតូច 

២៥-ថ្នាំពេទ្យ ៥ប្រអប់តូច

២៦-វីតាមីនសេ ៥ប្រអប់

២៧-ម៉ាស់ ៥ប្រអប់

២៨-កាបូបសិក្សា ៤

២៩-សម្លៀកបំពាក់ទារក ០១ឈុតធំ(កន្ត្រាក់១, សម្លៀកបំពាក់ទារក ៥ ឈុត, កង ២, ស្រោមជើងប្រអប់ ១, កន្សែងទារក២, មួកទារក ២, ប្រេងខ្យល់ ២, ២, កំប៉ុងដោះគោ ៥, ទឹកលាងកំប៉ុង ១ដបធំ)

ជាមួយគ្នានោះដែរ លោកស្រីបានដោះស្រាយសងថ្លៃជួលបន្ទប់ ៣ខែ និងឧបត្ថម្ភថវិកាបន្ថែមសម្រាប់ជួលផ្ទះដល់ខែធ្នូ ២០២១ រយៈពេល៥ខែទៀត ។ 

បន្ថែមលើនេះលោកស្រីបានសងថ្លៃអគ្គិសនីចំនួន ៤ខែ រួមជាមួយថ្លៃតភ្ជាប់ឡេីងវិញ​ ព្រមទាំងសងបំណុលថ្លៃទឹកសរុប ៧​ខែផងដែរ ​ ។ 

ហើយក្នុងថ្ងៃដដែលលោកស្រីក៏បានចាត់អោយក្រុមគ្រូពេទ្យវេជ្ជសាស្ត្រសម្តេចតេជោពិនិត្យ និងធ្វើការវះកាត់យកដែកចេញជូនលោក ណាម វិរៈ ដោយឥតគិតថ្លៃ ព្រោះពេលកន្លងមកលោកពុំមានលទ្ធភាពព្យាបាលដោយខ្លួនឯងនោះទេ ។ 

គួរបញ្ជាក់ផងដែរថាៈ សព្វថ្ងៃគ្រួសារមួយនេះមានជីវភាពទីទាលក្រ ដោយសារលោក ណាម វិរៈ ជាប្តី ធ្លាប់ធ្វើជាកម្មករសំណង់ ដោយសារគ្រោះថ្នាក់ចរាចរណ៍ គាត់បានធ្លាក់ខ្លួនពិការពុំអាចប្រកបរបរអ្វីបាននោះទេ ម្យ៉ាងវិញទៀត ពួកគាត់មានកូនតូចៗចំនួន ៦នាក់ក្នុងបន្ទុក ហើយអ្នកស្រីជាប្រពន្ធមានសុខភាពខ្សោយបន្ទាប់ពីសំរាលកូនទី ៧ថ្មីៗនេះផង ទើបធ្វើអោយគ្រួសារមួយនេះមានការខ្វះខាតក្នុងជីវភាពរស់នៅប្រចាំថ្ងៃ ៕

ដោយ ៖ សិលា