សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ លោកស៊ូម៉ុលអភិបាលស្រុករមាសហែកបានថ្លែងថាគិតត្រឹមម៉ោង៣រសៀលថ្ងៃទី២២ខែកក្កដាឆ្នាំ២០២១ប្រជាពលរដ្ឋ២ភូមិក្នុងឃុំកំពង់ត្រាចដែលបានមកយកសំណាកធ្វើតេស្តរកមេរោគកូវីដ-១៩ បានចំនួន ៣២៥នាក់ ស្រី ១២៤នាក់ជាលទ្ធផល រកឃើញវិជ្ជមាន ចំនួន ១០នាក់ ស្រី ០៦នាក់។
ការថ្លែងបែបនេះនារសៀលថ្ងៃទី២២ខែកក្កដាឆ្នាំ២០២១ក្នុងចុះពិនិត្យការយកសំណាកធ្វើតេស្តរកមេរោគកូវីដ-១៩ ជូនប្រជាពលរដ្ឋ ភូមិតាត្រាវ និងភូមិកំពង់ត្រាច ស្ថិតនៅក្នុងឃុំកំពង់ត្រាច ស្រុករមាសហែក ខេត្តស្វាយរៀង។
លោកបន្តថាការចុះយកសំណាកនេះដឹកនាំដោយលោកឧត្តមសេនីយ៍ត្រី ចៅ ឃីន ស្នងការរង ស្នងការដ្ឋានភស្តុភារនិងក្រុមគ្រូពេទ្យកងរាជអាវុធហត្ថលើផ្ទៃប្រទេស ចុះយកសំណាកធ្វើតេស្តរកមេរោគកូវីដ-១៩ ជូនប្រជាពលរដ្ឋ ភូមិតាត្រាវ និងភូមិកំពង់ត្រាច ស្ថិតនៅក្នុងឃុំកំពង់ត្រាច ស្រុករមាសហែក ខេត្តស្វាយរៀង។
លោកបានបន្ថែមទៀតថា ចំពោះការស្នាក់នៅ និងហូបចុក របស់ក្រុមគ្រូពេទ្យកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង ជាអ្នកសម្របសម្រួលដោះស្រាយជូនទាំងស្រុងផងដែរ។
លោកបានបន្ថែមថា សូមលោកលោកស្រីបងប្អូនប្រជាពលរដ្ឋទាំងអស់ដែលរស់នៅភូមិសាស្ត្រខាងលើនេះសូមអញ្ជើញទៅធ្វើតេស្តសុខភាពរហ័សឲ្យបានគ្រប់គ្នាចាប់ពីថ្ងៃជូនដំណឹងនេះតទៅ ទន្ទឹមនឹងនេះសូមលោកលោកស្រីបងប្អូនប្រជាពលរដ្ឋទាំងអស់ត្រូវអនុវត្តឲ្យបានខ្ជាប់ខ្ជួននូវការណែនាំរបស់ក្រសួងសុខាភិបាលនិងវិធានការបី កុំបីការពារនិងពីចូលរួមផងដែរ ៕
ដោយ៖ យឹម សុថាន
