សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ឃេីញម៉ូតូទុកមុខផ្ទះទំនងក៏ធ្វេីសកម្មភាពលួចរួចបណ្តេីររត់គេចខ្លួនតែត្រូវជនរងគ្រោះតាមស្វែងរកឃេីញទេីបឃាត់ខ្លួនប្រគល់ជូនសមត្ថកិច្ចកាលពីវេលាម៉ោង១២និង៣០នាទីរំលងអធ្រាត្រ ឈានចូលថ្ងៃទី២៣ ខែកក្កដា ឆ្នាំ២០២១ នៅផ្លូវបេតុង ភូមិថ្មគោល៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះ ភួង ចាន់ណារិទ្ធ ភេទប្រុសអាយុ២៣ឆ្នាំ មុខរបរមិនពិតប្រាកដ ស្នាក់នៅជិតវត្តគោកបញ្ជាន់ ភូមិចោមចៅទី៣ សង្កាត់ចោមចៅទី២ ខណ្ឌពោធិ៍សែនជ័យ។
ចំណែកជនរងគ្រោះឈ្មោះ ជ័យ ចាន់ ភេទប្រុសអាយុ៦៥ឆ្នាំ មុខរបរនៅផ្ទះ ស្នាក់នៅផ្លូវបេតុង ភូមិថ្មគោល៣ សង្កាត់ចោមចៅទី២ ខណ្ឌពោធិ៍សែនជ័យ។
តាមសម្តីជនរងគ្រោះបានឱ្យដឹងថា មុនពេលកេីតហេតុគាត់បានយកម៉ូតូរបស់គាត់ម៉ាកស្មាសវី ពណ៌ក្រហម ពាក់ស្លាកលេខភ្នំពេញ1DG-5187 ចតទុកនៅខាងមុខផ្ទះដូចសព្វមួយដង ដោយមិនបានចាក់សោរ.កនោះទេ ហេីយក៏បានចូលទៅសម្រាកក្នុងផ្ទះបាត់ ។ លុះពេលគាត់ភ្ញាក់ដឹងខ្លួនម្តងក៏ងាកមេីលម៉ូតូរបស់គាត់តែមិនឃេីញក៏ឆោឡោឡេីងនិងតាមរករហូតទៅដល់មាត់ស្រះព្រះទន្លេខាងកេីតក៏ឃេីញជនសង្ស័យកំពុងបណ្តេីរម៉ូតូរបស់គាត់ទេីបធ្វេីការឃាត់ខ្លួនរួចប្រគល់ជូនសមត្ថកិច្ចតែម្តង។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យដេីម្បីចាក់ការតាមច្បាប់ចំណែកម៉ូតូត្រូវបានប្រគល់ជូនម្ចាស់វិញ៕
ដោយ៖សុខាសែនជ័យ
