សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ នៅថ្ងៃព្រហស្បតិ៍១៣កើតខែទុតិយាសាឍឆ្នាំឆ្លូវត្រីស័កព.ស២៥៦៥ ត្រូវនឹងថ្ងៃទី ២២ខែកក្កដាឆ្នាំ២០២១ វេលាម៉ោង១៧៖២០នាទីម្សិលមុិញ បើតាមរបាយការណ៍សមត្ថកិច្ចបញ្ជាក់ថា, នៅចំណុចវាលស្រែ ស្ថិតក្នុងក្រុមទី៣៣ ភូមិប្រគាប ឃុំរូងជ្រៃ ស្រុកថ្មគោល មានករណីបទលួច(ផាលគោយន្ត)មួយកើតឡើងបង្កឡើងដោយជនសង្ស័យចំនួន០២នាក់ ក្នុងនោះរួមមាន ៖
១.ឈ្មោះ ម៉ុន ចន្រ្ទា ភេទប្រុសអាយុ២៦ឆ្នាំរស់នៅភូមិកោះរាម ឃុំខ្នាចរមាស ស្រុកបវេល ។
២.ឈ្មោះ សម្បត្តិ យ៉េត ភេទប្រុសអាយុ២១ឆ្នាំរស់នៅភូមិគោកខ្ពស់ ឃុំរូងជ្រៃ ស្រុកថ្មគោល។
សមត្ថកិច្ចបានបញ្ជាក់ថា,ពួកគេបានធ្វើសកម្មភាពលួចដោះផាលគោយន្តកន្ត្រៃរបស់ជនរងគ្រោះឈ្មោះ ឡុង ហ៊ាន ភេទប្រុសអាយុ២៦ឆ្នាំរស់នៅភូមិខ្នាចរមាស ឃុំខ្នាចរមាស ស្រុកបវេល ក្នុងបទល្មើសជាក់ស្តែង ឈានដល់ការឃាត់ខ្លួនដោយមន្ត្រីនគរបាលយុត្តិធម៌ស្រុក។
សមត្ថកិច្ចបន្តថា, សម្ភារវត្ថុតាងចាប់យកបានរួមមាន ៖
-ផាលគោយន្តកន្រ្តៃចំនួន០១
-កូនសោរចំនួន០៥(លេខ១២ចំនួន០១.លេខ១៤ចំនួន០១.លេខ១៦ចំនួន០១.លេខ១៧ចំនួន០១.លេខ១៩ចំនួន០១)។
បច្ចុប្បន្នជនសង្ស័យ ឃាត់ខ្លួនបណ្តោះអាសន្ននៅក្នុងអធិការដ្ឋាននគរបាលស្រុកថ្មគោលដើម្បីកសាងសំណុំរឿងចាត់ការតាមនីតិវិធីច្បាប់បញ្ជូនទៅសាលាដំបូងខេត្ត៕
ដោយ ៖ សិលា
