ព័ត៌មានទាន់ហេតុការណ៍៖

តំណាងលោក ឌី វិជ្ជា ប្រធាន សសយក ខេត្តស្វាយរៀង អញ្ជើញប្រគល់ម៉ាស់ និងអាល់កុល ដល់សមាគមសម្ព័ន្ធយុវជនវៀតណាមខេត្តតៃនីញ

ចែករំលែក៖

ខេត្តស្វាយរៀង៖ នៅព្រឹកថ្ងៃសុក្រ ១៤កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៣ ខែកក្កដា ឆ្នាំ២០២១ លោក តូច ប៉ូលីវ៉ា អនុប្រធាន សសយក ខេត្តតំណាងលោក ឌី វិជ្ជា ប្រធាន សសយក ខេត្ត ដោយមានការចូលរួមពីលោក រាណ សុវណ្ណារិទ្ធិ សមាជិកអចិន្រ្តៃយ៍ លោក សៅ សុភាព សមាជិកគណៈកម្មាធិការ ខេត្ត លេខាធិការដ្ឋាន សសយក ខេត្ត  គណៈកម្មាធិការ សសយក ក្រុងបាវិត បានអញ្ជើញប្រគល់ម៉ាស់ចំនួន ២៥កេស ស្មើនឹង ៥០,០០០ម៉ាស់  អាល់កុលចំនួន ២៥កាន ស្មើនឹង ៧៥០លីត្រ ជូនដល់សមាគមសម្ព័ន្ធយុវជនវៀតណាមខេត្តតៃនីញ ដើម្បីប្រើប្រាស់ក្នុងសកម្មភាពការរួមចំណែកទប់ស្កាត់ការរីករាលដាលនៃជម្ងឺកូវីដ-១៩ ។

ក្នុងឱកាសនោះដែល លោក តូច ប៉ូលីវ៉ា ក៏បានពាំនាំនូវការផ្ដាំផ្ញើសួរសុខទុក្ខពីសំណាក់លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា លោកឌី វិជ្ជា ប្រធាន សសយកខេត្ត ជូនសមាគមសម្ព័ន្ធយុវជនវៀតណាមខេត្តតៃនីញដែលកំពុងជួបប្រទះនៃវិបត្តជំងឺកូវីដ-១៩។ លើសពីនេះទៅទៀតក្នុងក្របខណ្ឌយុវជន ក៏ដូចជាកិច្ចសហប្រតិបត្តិការ រវាងយុវជនទាំង២ សម្ភារទាំងនេះគឺជាការជួយគ្នាទៅវិញទៅមកពេលមានទុកលំបាក ក្នុងគ្រាកំពុងជួបជំងឺកូវីដ-១៩ ៕

ដោយ ៖ សិលា


ចែករំលែក៖