សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តបែនដឹកថ្មក្នុងល្បឿនលឿន និងខ្វះការប្រុងប្រយ័ត្នបានរេចង្កូតឡើងលើសួនពុះចែកទ្រូងផ្លូវទៅបុកបង្គោលភ្លើងបាក់អស់មួយដើមនឹងកូនឈើ៣ដើមរងការខូច
ខាតយ៉ាងដណំ តែសំណាងដែរដែលមិនបង្កឲ្យមានអ្នករងរបួស ។
ហេតុការណ៍គ្រោះថ្នាក់ចរាចរណ៍ខាងលេីនេះបានកើតឡើងកាលពីវេលាម៉ោង៥ នឹង៤០នាទីល្ងាចថ្ងៃទី២៦ ខែកក្កដា ឆ្នាំ២០២១ ស្ថិតនៅតាមបណ្ដោយផ្លូវ លេខ២១៧ ក្នុងសង្កាត់ព្រែកកំពឹស ខណ្ឌដង្កោ ។
យោងតាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញរថយន្តបែនដឹកថ្មមួយគ្រឿងម៉ាកHINO ពណ៌ស ពាក់ស្លាកលេខAT21-3-1878 បើកបរដោយបុរសម្នាក់តាមបណ្តោយផ្លូវលេខ២១៧ ក្នុងទិសដៅពីត្បូងទៅជើងដោយប្រើល្បឿនលឿន ខណៈមកដល់ចំណុចកើតហេតុបានរេចង្កូតទៅឆ្វេងដៃឡើងលើសួនបុកបង្គោលភ្លើងបាក់អស់មួយដើម និងកូនឈើ៣ដើមខូចខាតយ៉ាងដំណំ ឯរថយន្តបង្កបានឆ្លងទៅគន្លងផ្លូវម្ខាងទៀត ហើយសំណាងល្អមិនបង្កឲ្យមានអ្នករងរបួស។
ក្រោយកើតហេតុ កម្លាំងសមត្ថកិច្ចមូលដ្ឋានបានចុះមកត្រួតពិត្យដល់ទីតាំងកើតហេតុ ដោយមើលឃើញមានរងការខូចខាតទ្រព្យសម្បត្តិសាធារណៈក៏សហការជាមួយសមត្ថកិច្ចជំនាញចរាចរណ៍ខណ្ឌដង្កោធ្វើការវាស់វែងយករថយន្តបង្កទៅរក្សាទុកនៅប៉ុស្ដិ៍នគរបាលរដ្ឋាបាលព្រែកកំពឹស រង់ចាំធ្វើការដោះស្រាយតាមនីតិវិធី ៕
ដោយ ៖ ភារ៉ា ដង្កោ
