សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្ដរមានជ័យ ៖ បើយោងតាមប្រភពពី រដ្ឋបាលខេត្តឧត្តរមានជ័យ បានបញ្ជាក់អោយដឹងថា, នាព្រឹកថ្ងៃអង្គារ ៣រោច ខែទុតិយាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី ២៧ ខែកក្កដា ឆ្នាំ២០២១ម្សិលមុិញ លោក ប៉ែន កុសល្យ អភិបាល នៃគណ:អភិបាលខេត្តឧត្ដរមានជ័យ អញ្ជើញប្រគល់រថយន្តក្រុង ២ គ្រឿង ដែលជាអំណោយរបស់ លោក នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ជូនដល់ស្នងការដ្ឋាននគរបាលខេត្តឧត្ដរមានជ័យ ដើម្បីជួយសម្រួលដល់ការជួយដឹកជញ្ជូនពលករពីច្រកទ្វារព្រំដែនទៅកាន់ទីតាំងចចិត្តាឡីស័ក តាមមណ្ឌលនីមួយៗ។
លោកអភិបាលខេត្ត បានថ្លែងអំណរគុណចំពោះ លោក នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ដែលបានផ្ដល់អំណោយជារថយន្តក្រុង ២ គ្រឿង មកដល់រដ្ឋបាលខេត្តឧត្តរមានជ័យ ក្នុងអំឡុងពេលដ៏លំបាកនេះ រដ្ឋបាលខេត្ត ពិតជាមានសេចក្ដីរំភើបក្នុងកាយវិការចូលរួមចំណែកជាមួយរាជរដ្ឋាភិបាល របស់លោកនាយឧត្តមសេនីយ៍ សន្តិបណ្ឌិត ដែលបានជួយដល់រដ្ឋបាលខេត្ត ក្នុងនាមរដ្ឋបាលខេត្ត ពិតជាមានក្តីរីករាយ ហើយនឹងប្រើប្រាស់រថយន្តទាំងនេះក្នុងសកម្មភាពចូលរួមបង្ការ ទប់ស្កាត់ការរីករាលដាលនៃជំងឺកូវីដ-១៩ ក្នុងក្របខណ្ឌខេត្តឧត្តរមានជ័យ ក៏ដូចជាប្រទេសកម្ពុជាទាំងមូល៕
ដោយ ៖ សិលា
