សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ដើម្បីទប់ស្កាត់ការឆ្លងរាលដាលនៃជំងឺកូវីដ១៩ នៅរសៀលថ្ងៃទី០៣ ខែសីហា ឆ្នាំ ២០២១នេះ រដ្ឋបាលខេត្តបាត់ដំបងបានដាក់ចេញវិធានការរដ្ឋបាល សម្រាប់ភូមិសាស្ត្រមួយចំនួនក្នុងខេត្តបាត់ដំបង ដោយបែងចែកជា”តំបន់ក្រហម” “តំបន់លឿងទុំ” និង”តំបន់លឿង” សម្រាប់រយៈពេល ០៧ថ្ងៃ គិតចាប់ពីម៉ោងសូន្យ នាថ្ងៃទី០៣ ខែសីហា ឆ្នាំ២០២១ រហូតដល់ថ្ងៃទី ០៩ ខែសីហា ឆ្នាំ២០២១។
យោងសេចក្តីសម្រេចលេខ ៨២ សសរ ចុះថ្ងៃទី២៨ ខែកក្កដា ឆ្នាំ២០២១ របស់រាជរដ្ឋាភិបាលកម្ពុជាស្ដីពីការបិទខ្ទប់ភូមិសាស្ត្រ-ខេត្តកោះកុង -ខេត្តពោធិ៍សាត់ -ខេត្តបាត់ដំបង -ខេត្តប៉ៃលិន -ខេត្តបន្ទាយមានជ័យ -ខេត្តឧត្ដរមានជ័យ -ខេត្តព្រះវិហារ និងខេត្តសៀមរាប ដើម្បីទប់ស្កាត់ការឆ្លងរាលដាលក្នុងសហគមន៍នៃមេរោគ covid-19 ប្រភេទដែលតា(Dalta)។
យោងតាមការចាំបាច់របស់រដ្ឋបាលខេត្ត ប្រការ០១ត្រូវបានដាក់ចេញវិធានការរដ្ឋបាលសម្រាប់ភូមិសាស្ត្រខេត្តបាត់ដំបងដោយត្រូវបានចែកជាបីតំបន់ដូចជា! -/តំបន់ក្រហម សំដៅដល់ភូមិសាស្ត្រដែលមានការឆ្លងរាលដាលកម្រិតធ្ងន់ធ្ងរនៃជំងឺកូវីដ19 ក្នុងសង្គម /តំបន់លឿងទុំ សំដៅលើភូមិសាស្រ្តដែលមានការឆ្លងរាលដាលកម្រិតមធ្យម នៃជំងឺកូវីដ១៩ ក្នុងសហគមន៍ /តំបន់លឿង សំដៅដល់ភូមិសាស្ត្រដែលមានការឆ្លងរាលដាលកម្រិតស្រាល នៃជំងឺកូវីដ១៩ក្នុងសហគមន៍ ហើយតំបន់ក្រហមនិងតំបន់លឿងទុំ ជាភូមិសាស្ត្រដែលត្រូវអនុវត្តវិធានការបិទខ្ទប់ដូចមានចែងក្នុងប្រការ០៣ និងប្រការ០៤ ដោយឡែក តំបន់លឿង មិនស្ថិតនៅក្នុងភូមិសាស្ត្របិទខ្ទប់ ប៉ុន្តែត្រូវអនុវត្តវិធានការរដ្ឋបាល ដូចមានចែងក្នុងប្រការ០៥ ។
វិធានការរដ្ឋបាលខាងលើនេះត្រូវបានអនុវត្តលើទីតាំងចំនួន ០៦ក្រុង ស្រុករួមមាន! ១/(-ក្រុងបាត់ដំបងជាតំបន់ក្រហមត្រង់ចំណុចក្រុមទី ២៨ ក្នុងភូមិចំការសំរោង ២ សង្កាត់ចំការសំរោង), ២/ស្រុកសង្កែ បានកំណត់ជាតំបន់លឿងចំនួន០៨ឃុំ និងតំបន់លឿងទុំចំនួន ២ភូមិ, ក្នុងនោះមាន! -(ឃុំអន្លង់វិល -ឃុំនរា -ឃុំកំពង់ព្រះ -ឃុំរកា -ឃុំរាំងកេសី -ឃុំអូរដំបង១ -ឃុំអូរដំបង២ -ឃុំវត្តតាមិម ជាតំបន់លឿង) (ដោយឡែកភូមិសម្តេច ឃុំតាប៉ុន និងភូមិអូសទូក ឃុំកំពង់ព្រៀង ជាតំបន់លឿងទុំ )-៣/ស្រុកមោងឬស្សី បានកំណត់តំបន់ក្រហមធ្ងន់ធ្ងរចំនួន ១ភូមិ តំបន់លឿងចំនួន ៦ភូមិរួមមាន! (ភូមិរបស់មង្គល ,ភូមិព្រៃព្រំ២ ក្នុងឃុំរបស់មង្គល ,ភូមិគារ២ ,ភូមិគារ២ ក្នុងឃុំគារ ,ភូមិមោង ក្នុងឃុំមោង ,ភូមិថ្នល់បត់ ក្នុងឃុំឬស្សីក្រាំង ជាតំបន់លឿងទុំ) (និងភូមិក្រឡោមភ្លុក ក្នុងឃុំព្រៃស្វាយ ជាតំបន់ ក្រហម) ,៤/ស្រុកកំរៀងជាតំបន់ព្រំដែនកំណត់ជាតំបន់ក្រហមមានចំនួន ២ភូមិ តំបន់លឿងទុំចំនួន ៤ភូមិ និងតំបន់លឿងចំនួន ១៨ភូមិ រួមមាន! ,(ភូមិអូរចម្លង ,ភូមិសាមគ្គី ,ភូមិកណ្ដាល ,ភូមិអូរចំបក់ ,ភូមិថ្មី ,ភូមិអូរដា ,ភូមិកណ្ដាល ,ភូមិស្វាយជ្រុំ ,ភូមិលំផាត់ ,ភូមិតាំងយូ ,ភូមិម្នាស់កល្ប ,ភូមិព្រះពុទ្ធ ,ភូមិស្វាយធំ ,ភូមិអូរលើ ,ភូមិដូង ,ភូមិតាក្រី ,ភូមិស្រះទឹកថ្មី ,និងភូមិកំពង់ចម្លងក្រោម ជាតំបន់លឿង) ( ភូមិអូរអន្លក់ , ភូមិតាសែន ,ភូមិត្រាង ,ភូមិកំពង់ចម្លងលើ ជាតំបន់លឿងទុំ)(ភូមិល្វាទេ ,ភូមិកំប្រង់ ជាតំបន់ក្រហម) ៥/ស្រុកបាណន់ កំណត់ជាតំបន់លឿងចំនួន ៣ភូមិ រួមមាន!(ភូមិក្រពើត្បូង ,ភូមិឈើទាល ,ភូមិអន្លង់តាមី )និងស្រុកថ្មគោល បានកំណត់ជាតំបន់លឿងទុំ ១ភូមិផងដែរគឺ(ភូមិនិគមក្នុង)។
ក្នុងអំឡុងពេលនៃការអនុវត្តការបិទខ្ទប់ក្នុងភូមិសស្ត្រតំបន់ក្រហម តំបន់លឿងទុំ និងតំបន់លឿងខាងលើបុគ្គលគ្រប់រូបត្រូវបានហាមឃាត់មិនឲ្យចេញពីលំនៅឋាន និងមិនអនុញ្ញាតអោយធ្វើសកម្មភាពកីឡានៅខាងក្រៅលំនៅឋាន ប៉ុន្តែមានការអនុញ្ញាតិក្នុងករណីចាំបាច់ ហើយចំពោះទីផ្សារ កន្លែងលក់ម្ហូប លក់គ្រឿងឧបភោគ បរិភោគ ទីតាំងសេពគ្រឿងស្រវឹងគ្រប់ប្រភេទ ទីកន្លែងផ្តល់សេវាកម្ម ឬអាជីវកម្មនានាក្នុងតំបន់ទាំងអស់ខាងលើត្រូវបានបិទផ្អាកជាបណ្តោះអាសន្ន៕
ដោយ៖ចន្ទ លីហ្សា
