សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តស៊េរីទំនេីបម៉ាក Ford Ranger មួយគ្រឿងកំពុងបើកតាមដងផ្លូវសុខៗស្រាប់តែមានរថយន្តធុនធំមួយគ្រឿងបេីកថយក្រោយមកបុកពីចំហៀងពេញទំហឹងបណ្ដាលឲ្យរងការខូចខាតយ៉ាងដំណំ កាលពីវេលាម៉ោង១០យប់ ថ្ងៃទី៤ ខែសីហា ឆ្នាំ២០២១ នៅតាមបណ្ដោយផ្លូវ៥០ម៉ែត្រ ក្នុងភូមិអន្លង់គងថ្មី សង្កាត់ព្រៃស ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេឃេីញរថយន្តស៊េរីទំនេីបម៉ាក Ford Ranger ពណ៌ស ពាក់ស្លាកលេខ កណ្ដាល 2B-5120 បើកតាមបណ្ដោយផ្លូវ៥០ម៉ែត្រពីត្បូងទៅជេីងក្នុងល្បឿនលឿនល្មម ខណៈមកដល់ចំណុចកេីតហេតុក៏ស្រាប់តែមានរថយន្តធុនធំ ពណ៌ខៀវ ពាក់ស្លាកលេខភ្នំពេញ 3D-4072 បេីកថយក្រោយចេញពីការដ្ឋានមិនប្រយ័ត្ន ក៏បុករថយន្ត Ford Ranger ពីចំហៀងខាងក្រោយពេញទំហឹង បណ្ដាលឲ្យរថយន្ត Ford រងការខូចខាតយ៉ាងដំណំ ។ រីឯរថយន្តធុនធំបង្កហេតុរងការខូចខាតតិចតួច និងមិនបណ្ដាលឲ្យមនុស្សណាម្នាក់រងរបួសនោះឡេីយ ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ និងទាក់ទងទៅជំនាញចរាចរណ៍ខណ្ឌដង្កោឲ្យមកពិនិត្យ និងវាស់វែង តែចុងក្រោយភាគីខាងរថយន្តធុនធំព្រមចេញថ្លៃខូចខាត និងជួសជុលទៅលេីរថយន្តរងគ្រោះ ដេីម្បីបញ្ចប់រឿងនៅនឹងកន្លែងតែម្ដង ៕
ដោយ ៖ ភារ៉ា ដង្កោ
