សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ២នាក់ជិះម៉ូតូឌុបគ្នាមកធ្វេីសកម្មភាពឆក់យកទូរស័ព្ទរបស់បុរសម្នាក់ តែឆក់យកមិនបានសម្រេចហេីយព្យាយាមជិះម៉ូតូគេចខ្លួនត្រូវបានសមត្ថកិច្ចដេញចាប់បានម្នាក់ ចំណែកម្នាក់ទៀតរត់គេចខ្លួនបាត់។
ហេតុការណ៍នេះបានកេីតឡេីងកាលពីវេលាម៉ោង៩ព្រឹកថ្ងៃទី៦ ខែសីហា ឆ្នាំ២០២១ នៅចំណុចមុខផ្សារចោមចៅ តាមបណ្តោយផ្លូវចោមចៅ(វេងស្រេង) ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យដែលសមត្ថកិច្ចឃាត់ខ្លួនបានឈ្មោះ ហុក គឹមលាង ភេទប្រុសអាយុ១៨ឆ្នាំ មុខរបរមិនពិតប្រាកដ ស្នាក់នៅសង្កាត់ទួលសង្កែ២ ខណ្ឌឫស្សីកែវ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូតាមបណ្តោយផ្លូវចោមចៅក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែមានជនសង្ស័យ២នាក់ជិះម៉ូតូម៉ាកnex ពណ៌ស ពាក់ស្លាកលេខភ្នំពេញ1IS-5251 ឌុបគ្នាមកពីក្រោយហើយធ្វេីសកម្មភាពឆក់យកទូរស័ព្ទពីជនរងគ្រោះតែមិនបានសម្រេច។ ខណៈនោះពួកជនសង្ស័យខំព្យាយាមជិះម៉ូតូគេចខ្លួនក៏ជួបប្រទះកម្លាំងល្បាតតាមប្រដេញរហូតឃាត់បានម្នាក់និងម៉ូតូមួយគ្រឿងនៅភ្លើងស្តុបទួលពង្រ សង្កាត់ចោមចៅទី២ ខណ្ឌពោធិ៍សែនជ័យ រីឯជនសង្ស័យម្នាក់ទៀតគេចខ្លួនបាត់។
ក្រោយកេីតហេតុជនសង្ស័យត្រូវបានកម្លាំងនគរបាលចោមចៅទី៣នាំខ្លួនយកទៅសាកសួរបន្ត រួចហើយបញ្ជូនទៅផ្នែកព្រហ្មទណ្ឌនៃអធិការដ្ឋានខណ្ឌពោធិ៍សែនជ័យចាត់ការតាមច្បាប់៕
ដោយ៖សុខាសែនជ័យ
