សារព័ត៌មាន នគរវត្ត តែងតែនាំមុខគេជានិច្ច
ក្លិប Manchester City បានត្រៀមខ្លួនរួចជាស្រេចដើម្បីបង់ប្រាក់ចំនួន១៥០លានផោន (២០៧លានដុល្លារ) សម្រាប់ Harry Kane ប្រសិនបើពួកគេទទួលបានការចង្អុលបង្ហាញពីក្លិប Tottenham ថាកិច្ចព្រមព្រៀងមួយអាចធ្វើទៅបាន។
ក្លិបTottenham បានទទូចថា Kane មិនត្រូវបានលក់ទេបើទោះបីជាខ្សែប្រយុទ្ធរូបនេះចង់ចាកចេញទៅ Man City ក៏ដោយ ហើយពួកគេបានបដិសេធសំណើ១០០លានផោនពីក្លិបម្ចាស់ជើងឯក Premier League ។ ប៉ុន្តែពេលនេះត្រូវបានគេគិតថា ១៥០លានផោនអាចល្បួងប្រធានក្លិប Tottenham ។
Man City មិនចុះចាញ់ឡើយហើយរង់ចាំមើលថា តើស្ថានការណ៍នឹងទៅជាយ៉ាងណា? Kane នឹងត្រឡប់មកហ្វឹកហាត់ជាក្រុមជាមួយ Tottenham វិញនៅថ្ងៃសុក្រនេះដោយសារការធ្វើតេស្តជំងឺ Covid-19 របស់គាត់កាលពីថ្ងៃព្រហស្បតិ៍គឺអវិជ្ជមាន។
លោក Pep Guardiola បានបញ្ជាក់កាលពីថ្ងៃសុក្រសប្តាហ៍មុនថា Man City ចង់នាំយក Kane ក្នុងការផ្លាស់ប្តូរមួយដែលនឹងបំបែកកំណត់ត្រាផ្ទេររបស់អង់គ្លេសដែលពួកគេបានកំណត់កាលពីសប្តាហ៍មុនដោយចុះហត្ថលេខាជាមួយ Jack Grealish ក្នុងតម្លៃ១០០លានផោន។ អ្នកចាត់ការទូទៅរូបនេះបាននិយាយថា “ប្រសិនបើ Tottenham មិនចង់ចរចាទេនោះអ្វីៗនឹងត្រូវបានបញ្ចប់។ ប្រសិនបើពួកគេបើកចំហក្នុងការចរចាខ្ញុំគិតថាមិនត្រឹមតែ Man City ទេ ប៉ុន្តែមានក្លិបជាច្រើននៅលើពិភពលោកចង់ព្យាយាមចុះហត្ថលេខាជាមួយគាត់”។
Kane កំពុងព្យាយាមបង្ខំឱ្យផ្លាស់ទៅ Man City ហើយជឿជាក់ថា គាត់មានកិច្ចព្រមព្រៀងដែលអាចឱ្យគាត់ផ្លាស់ប្តូរទីលំនៅ។ ការបកស្រាយព្រឹត្តិការណ៍របស់ប្រធានក្លិបលើកីឡាកររូបនេះគឺខុសគ្នា ហើយគាត់មិនចង់លក់កីឡាករសំខាន់របស់ក្លិបដែលមានកុងត្រា៣ឆ្នាំទេ។
ខ្សែប្រយុទ្ធ Harry Kane កាលពីចុងសប្តាហ៍មុនបាននៅដាច់ដោយឡែកពីគេរយៈពេល៥ថ្ងៃដោយសារពាក់ព័ន្ធនឹងជំងឺកូវីដ-១៩។ គាត់បានឆ្លងកាត់ការធ្វើតេស្តដើម្បីអាចចូលហ្វឹកហាត់នៅថ្ងៃព្រហស្បតិ៍ ប៉ុន្តែលទ្ធផលមិនអាចត្រូវបានកំណត់ពេលវេលាដើម្បីឱ្យគាត់ធ្វើការជាមួយមិត្តរួមក្រុមរបស់គាត់ទេ ៕
ដោយ៖ ភារៈ(រូបភាព៖ The guardian)
