សារព័ត៌មាន នគរវត្ត តែងតែនាំមុខគេជានិច្ច
អស់រយៈពេលជាច្រើនឆ្នាំពួកគេជាគូប្រជែង ប៉ុន្តែឥឡូវនេះ Sergio Ramos និង Lionel Messi គឺជាមិត្តរួមក្រុមនៅក្លិប Paris Saint-Germain ដោយអតីតខ្សែការពារ Real Madrid រូបនេះស្វាគមន៍អតីតខ្សែប្រយុទ្ធក្រុម Barcelona មកកាន់ទឹកដីបារាំង។
យោងតាមការចេញផ្សាយរបស់សារព័ត៌មាន MARCA បានឲ្យដឹងថា កីឡាករទាំងពីរគឺជាអតីតប្រធានក្រុមនៃក្លិបនៅអេស្ប៉ាញដូចគ្នា ហើយអ្នកទាំងពីរបានបញ្ចប់ការចុះហត្ថលេខានៅរដូវក្តៅជាមួយ PSG ដោយពួកគាត់មិនអាចដោះស្រាយបញ្ហាកិច្ចសន្យារៀងៗខ្លួនជាមួយ Real Madrid និង Barcelona បាន។
ជាមួយនឹងការចុះហត្ថលេខារបស់ Messi ត្រូវបានធ្វើឡើងជាផ្លូវការកាលពីថ្ងៃពុធ ខ្សែការពារ Ramos បានសរសេរក្នុងបណ្តាញសង្គមដើម្បីស្វាគមន៍ខ្សែប្រយុទ្ធជនជាតិអាហ្សង់ទីនមកកាន់ក្លិប PSG។
ឲខ្សែការពារ Sergio Ramos បានសរសេរថា “អ្នកណានឹងគិតអញ្ចឹងមែនទេ Messi? ជាមួយគ្នានោះ Ramos បានបង្ហោះនៅលើបណ្តាញសង្គម Twitter ជាមួយនឹងរូបភាពនៃអាវរបស់ក្រុម PSG រៀងៗខ្លួនគួរឱ្យចាប់អារម្មណ៍ ដោយអាវ Ramos មានពណ៌ស ហើយអាវ Messi មានពណ៌ខៀវ ៕
ដោយ៖ ភារៈ(រូបភាព ៖ MARCA)
