សារព័ត៌មាន នគរវត្ត តែងតែនាំមុខគេជានិច្ច
ក្លិប Bayern Munich កំពុងត្រៀមខ្លួនសម្រាប់រដូវកាលថ្មីនៃក្របខ័ណ្ឌ Bundesliga ក្រោមការដឹកនាំរបស់គ្រូបង្វឹកថ្មីលោក Julian Nagelsmann ប៉ុន្តែអ្វីៗមិនមែនសុទ្ធតែមានភាពរីករាយដូចអ្វីដែលរំពឹងទុកនៅក្លិបនោះទេ។
ក្រុមម្ចាស់ជើងឯកអាល្លឺម៉ង់កំពុងចាប់ផ្តើមយុទ្ធនាការមុនរដូវកាលដ៏អាក្រក់មួយ ខណៈដែលក្រុម Bayern Munich ធ្វើដំណើរទៅប្រកួតក្របខ័ណ្ឌ Bundesliga លើកដំបូងរបស់ពួកគេនៅក្រៅទឹកដីជាមួយក្រុម BorussiaMonchengladbach ដោយមិនបានឈ្នះការប្រកួតតែមួយនៅរដូវក្តៅនេះ។
ចាប់តាំងពីការផ្លាស់ប្តូរពីក្លិប RB Leipzig ទៅ Bayern Munich លោកNagelsmann បានព្យាយាមអនុវត្តស្ទីល និងគំនិតផ្ទាល់ខ្លួនរបស់គាត់នៅអំឡុងការប្រកួតមិត្តភាពមុនរដូវកាលរបស់ក្រុម។
គាត់មិនមានកីឡាករសំខាន់ៗដូចជា Alphonso Davies, Thomas Muller និង Joshua Kimmich សម្រាប់ការប្រកួតទាំងនេះទេដោយសារតែពួកគេត្រូវបានផ្តល់ពេលសម្រាកបន្ថែមបន្ទាប់ពីបានតំណាងប្រទេសរបស់ពួកគេ ហើយនេះបានរារាំងសមត្ថភាពក្នុងការអនុវត្តគំនិតរបស់គាត់។
ក្នុងចំណោមក្រុមទាំង១៨នៃក្របខ័ណ្ឌ Bundesliga ក្រុម Bayern Munich មានការរៀបចំដ៏អាក្រក់មួយដែលឈានទៅដល់យុទ្ធនាការថ្មីមិនបានផ្តល់ទំនុកចិត្តដល់អ្នកគាំទ្រ។ ក្រុមនេះក៏ឈានចូលរដូវកាលជាមួយនឹងក្រុមស្នូលដែលមានកីឡាករតែ ២១នាក់ប៉ុណ្ណោះ ហើយមានការព្រួយបារម្ភអំពីខ្សែការពារបន្ទាប់ពីបាត់បង់ទាំងកីឡាករ David Alaba និង Jerome Boateng ៕
ដោយ៖ ភារៈ(រូបភាព ៖ MARCA)
