សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កូនសត្វឆ្មាដាវមួយក្បាល ត្រូវបានអង្គការសម្ព័ន្ធមិត្តសត្វព្រៃកម្ពុជា ជួយសង្រ្គោះទាន់ពេលវេលា ខណៈស្រមោចជាច្រេីនកំពុងឡោមព័ទ្ធរោមពេញខ្លួនវា។
បេីតាមអង្គការសម្ព័ន្ធមិត្តសត្វព្រៃកម្ពុជា បានឱ្យដឹងថា៖ កូនសត្វដ៏តូចមួយក្បាលនេះ ត្រូវបានបុគ្គលិកនៅជំរុំតង់តំបន់ជួរភ្នំក្រវាញ ប្រទះឃើញហេីយជួយសង្គ្រោះតែម្តង។
អង្គការសម្ព័ន្ធមិត្តសត្វព្រៃកម្ពុជា បានបន្ថែមទៀតថា កូនសត្វ ឆ្មាព្រៃញីមួយក្បាលនេះ បន្ទាប់ពីបុគ្គលិកម្នាក់ប្រទះឃេីញ វាកំពុងយំដោយសារស្រមោចក្រហមជាច្រេីនរោមខាំ។
ភ្លាមនោះបុគ្គលិកក៏បានធ្វើតាមការណែរនាំពីអ្នកជំនាញគឺលោក និក ម៉ាក ដែលជានាយកថែរទាំនិងសង្គ្រោះសត្វព្រៃ ដោយថែរទាំកូនឆ្មាដាវនោះរហូតដល់អាចដោះលែងទៅក្នុងព្រៃវិញបានដោយសុវត្ថិភាព និងទំនួលខុសត្រូវ៕
ដោយ៖ សហការី
