សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ Gareth Bale បានជួយឲ្យក្រុម Real Madrid នាំមុខមុនក្នុងការប្រកួតក្របខ័ណ្ឌ La Liga ទល់នឹងក្រុម Levante កាលពីយប់ថ្ងៃអាទិត្យជាមួយនឹងការប្រើជើងឆ្វេងពេលចាប់ផ្តើមប្រកួត៥នាទីប៉ុណ្ណោះ។
ការរកគ្រាប់បាល់ដំបូងនេះធ្វើឲ្យកីឡាកររូបនេះបានបំបែកកំណត់ត្រាក្នុងការរកគ្រាប់បាល់ជាមួយក្រុម Real Madrid ដែលមានរយៈពេល៥៧៨ថ្ងៃចាប់តាំងពីគាត់រកគ្រាប់បាល់ចុងក្រោយសម្រាប់ក្លិបទល់នឹងក្រុម Unionistasនៅកម្មវិធី Copa del Rey កាលពីថ្ងៃទី២២ ខែមករា ឆ្នាំ២០២០ ។
កីឡាករសញ្ជាតិវែលរូបនេះបានលេងតែ៦ដងប៉ុណ្ណោះសម្រាប់ក្លិបចាប់តាំងពីរកគ្រាប់បាល់នោះទល់នឹងក្រុម Unionistas ព្រោះគាត់បានចំណាយពេលភាគច្រើនក្នុងការខ្ចីជើងនៅក្លិប Tottenham Hotspur ក្នុងរដូវកាល ២០២០-២០២១។
ឥឡូវនេះ Bale បានរកគ្រាប់បាល់ដំបូងរបស់គាត់នៅរដូវកាល ២០២១-២០២២ ហើយលោក Carlo Ancelotti បានព្យាករណ៍ថា កីឡាកររូបនេះកំពុងបង្ហាញទម្រង់លេងល្អឡើងវិញក្នុងរដូវកាលនេះ ទោះបីបង្ហាញខ្លួនបានតិចតួចឲ្យក្លិបក៏ដោយ។
លោក Ancelotti បាននិយាយថា “Bale លេងតិចតួចកាលពីរដូវកាលមុន ប៉ុន្តែគាត់រកបានគ្រាប់បាល់ច្រើន។
កីឡាករវ័យ៣២ឆ្នាំរូបនេះបានចំណាយពេលនៅក្លិប Tottenham Hotspur កាលពីរដូវកាលមុនដែលគាត់បង្ហាញខ្លួនបាន១៤ដង។ គាត់កំពុងរីករាយជាថ្មីនៅក្នុងការប្រកួតលើកទី២របស់គាត់នៅក្លិប Real Madrid ក្នុងក្របខ័ណ្ឌ LaLiga ជាមួយនឹងការប្រកួតស្មើក្រុម Levante ៣ទល់៣ កាលពីយប់មិញនេះ ៕
ដោយ៖ ភារៈ(រូបភាព ៖ MARCA)
