សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ០២នាក់ត្រូវកម្លាំងប៉ុស្តិ៍នគរបាលរដ្ឋបាលអូរបែកក្អម ឃាត់ខ្លួនករណីរក្សាទុកដោយខុសច្បាប់នូវសារធាតុញៀន។ ករណីឃាត់ខ្លួនជនសង្ស័យទាំង០២នាក់ខាងលើនេះកាលពីម៉ោង១៨ និង០០នាទី ថ្ងៃទី២៩ ខែសីហា ឆ្នាំ២០២១នៅចំណុចតាមផ្លូវបេតុង ភូមិអ័រគីដេរ សង្កាត់អូរបែក្អម ខណ្ឌសែនសុខ ។
សមត្ថកិច្ចបានឱ្យដឹងថាជនសង្ស័យទាំង០២នាក់៖
១-ឈ្មោះ ជា ប្រុស ភេទប្រុស អាយុ២៩ឆ្នាំ ជនជាតិខ្មែរ មុខរបរគ្មាន នៅស្នាក់នៅភូមិអ័រគីដេ សង្កាត់អូរបែកក្អម ខណ្ឌសែនសុខ។២-ឈ្មោះ ឡាច សុខខេង ភេទប្រុស អាយុ២៩ឆ្នាំ ជនជាតិខ្មែរ មុខរបរគ្មាន នៅស្នាក់នៅបន្ទប់ជួល សង្កាត់កាកាប១ ខណ្ឌពោធិ៍សែនជ័យ ។ សមត្ថកិច្ចដកហូតក្រាមសថ្លា ០១ ថង់ធំ បច្ចុប្បន្ន ជនសង្ស័យទាំង០២នាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធីច្បាប់៕
ដោយ៖ ចន្ទ លីហ្សា
