សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ លោក សៀង ណាំ អ្នកតំណាងរាស្ត្រមណ្ឌលសៀមរាប បានថ្លែងថា, ខ្ញុំសោកស្តាយចំពោះមរណភាពរបស់ប្អូន សាម សុខា ! ។
អ្នកតំណាងរាស្ត្រ សៀង ណាំ បានសំណេរថា, ខ្ញុំ និងភរិយាសូមចូលរួមសោកស្តាយចំពោះមរណភាពរបស់ប្អូន សាម សុខា (ហៅថៃ) កម្មករធ្វើផ្លូវប្រចាំអង្គភាពកងវិស្វកម្មសម្តេចតេជោ ហ៊ុន សែន ខេត្តសៀមរាប ផ្នែកបើកបរគ្រឿងចក្រ បានទទួលមរណភាពកាល នាវេលាម៉ោង៩ព្រឹក ថ្ងៃទី១០ ខែកញ្ញា ឆ្នាំ២០២១ម្សិលមិញនេះ ដោយរោគាពាធ ក្នុងអាយុ៤៤ឆ្នាំ។
ការទទួលមរណភាពរបស់ប្អូន សុខា បានបន្សល់នូវភរិយា និងកូនប្រុសម្នាក់ដែលត្រូវទទួលបន្ទុកសងបំណុលធនាគារចំនួន៥០០០ដុល្លាអាមេរិក ដោយកន្លងទៅប្អូនសុខា បានខ្ចីប្រាក់នោះមកសង់ផ្ទះតូចមួយ នៅស្រុកកំណើតនាទឹកដីខេត្តកំពង់ឆ្នាំង។
ដោយឃើញស្ថានភាពដ៏លំបាករបស់គ្រួសារសព ខ្ញុំ និងភរិយាបានចូលរួមឧបត្ថម្ភថវិកាប្រាក់៥លានរៀល ក្នុងការជួយរៀបចំបុណ្យសព និងឧបត្ថម្ភថវិកាចំនួន៧០០០ដុល្លាអាមេរិក ដើម្បីសងបំណុលធនាគារអោយអស់ ព្រមទាំងជួយសម្រាប់ភរិយា និងកូនប្រុសនៃសព អាចកសាងជីវភាពថ្មី ក្នុងពេលនេះ និងពេលអនាគត។
ខ្ញុំ និងភរិយា សូមបួងសួងដល់វិញ្ញាណក្ខន្ធប្អូន សូមអញ្ជើញទៅកាន់សុគតិភពកុំបីឃ្លាងឃ្លាតឡើយ៕
ដោយ ៖ សិលា
