លោក ប្រាក់ សុខុន៖ ភាពជោគជ័យនៃដំណើរទស្សនកិច្ចផ្លូវការរបស់លោក វ៉ាង យី គឺជាចំណុចប្រវត្តិសាស្រ្តសំខាន់មួយទៀតនៃទំនាក់ទំនងកម្ពុជា-ចិន!

ចែករំលែក៖

ភ្នំពេញ៖ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា បានបញ្ជាក់នៅលេីបណ្ដាញសង្គមហ្វេសប៊ុកផ្ទាល់ខ្លួន នៅព្រឹកថ្ងៃចន្ទទី១៣ ខែកញ្ញា ឆ្នាំ២០២១នេះថា៖ ភាពជោគជ័យនៃដំណើរទស្សនកិច្ចផ្លូវការរបស់លោក វ៉ាង យី គឺជាចំណុចប្រវត្តិសាស្រ្តសំខាន់មួយទៀតនៃទំនាក់ទំនងកម្ពុជា-ចិន!

នៅក្នុងសំណេរហ្វេសប៊ុករបស់លោក ប្រាក់ សុខុន បានបញ្ជាក់ទៀតថា យើងទន្ទឹងរង់ចាំប្រើប្រាស់ពហុកីឡដ្ឋានជាតិមរតកតេជោដែលជាអំណោយដ៏ថ្លៃថ្លាពីប្រជាជនចិន ដើម្បីធ្វើជាម្ចាស់ផ្ទះនៃព្រឹត្តិការណ៍កីឡាធំៗ ជាពិសេសការប្រកួតកីឡាអាស៊ីអាគ្នេយ៍ និងអាស៊ានប៉ារ៉ាហ្គេម នៅឆ្នាំ២០២៣ខាងមុខនេះ។

ឯកសារចំនួន ៦ ដែលបានចុះហត្ថលេខាកាលពីម្សិលមិញនេះ រួមមានកិច្ចសហប្រតិបត្តិការក្នុងវិស័យសុខាភិបាល សេដ្ឋកិច្ច អប់រំ ការបោសសំអាតមីន និងការអនុវត្តគម្រោងនៃមូលនិធិពិសេសមេគង្គ-ឡានឆាង នឹងជួយលើកកម្ពស់ការអភិវឌ្ឍសេដ្ឋកិច្ច និងសង្គមជាតិយើង។ ការប្រកាសផ្តល់ជំនួយវ៉ាក់សាំងចំនួន ៣ លានដូសបន្ថែមដល់កម្ពុជាក៏នឹងជួយពន្លឿនការស្តារឡើងវិញ និងអាចវិលទៅរកជីវភាពធម្មតាវិញនាពេលឆាប់ៗខាងមុខនេះ។

លោកឧបនាយករដ្ឋមន្ត្រី បានបន្ថែមទៀតថា មុនពេលដែលលោក វ៉ាង យី ចេញដំណើរ ខ្ញុំ និងឥស្សរជនជាន់ខ្ពស់ទាំងសងខាងបានទទួលទានអាហារពេលព្រឹកជាមួយគ្នា។ ជាថ្មីម្តងទៀត ខ្ញុំបានថ្លែងអំណរគុណដល់លោក វ៉ាង យី សម្រាប់ពេលវេលា ការប្តេជ្ញាចិត្ត និងការគោរព ចំពោះប្រទេសកម្ពុជា ហើយខ្ញុំបានជូនពរឯកឧត្តមឱ្យទទួលបានជោគជ័យ និង សំណាងល្អគ្រប់ភារកិច្ច។

#កម្ពុជាចិន #មិត្តភាពដែកថែប 🇰🇭 🇨🇳

Another successful official visit by H.E. Wang Yi, another historic milestone for Cambodia-China relations!

We cannot wait to host major sporting events, particularly the upcoming SEA Games and ASEAN Para Games in 2023, at the Morodok Techo National Stadium – a significant gift from the people of China.

The six recently signed documents ranging from public health, economic, education and landmine clearance cooperation to Mekong-Lancang Special Fund projects will further enhance Cambodia’s socio-economic development. The additional donation pledge of 3 million vaccine doses will certainly expedite our recovery phase and return to normalcy in the near future.

We also had a delightful working breakfast together this morning along with high dignitaries from both sides before departure. I once again thanked H.E. Wang Yi for his time, commitment and respect towards Cambodia, and I wish him all the best.

#cambodiachina #ironcladfrienship 🇰🇭 🇨🇳