សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោក ជួន ណារិន្ទ ស្នងការនគរបាលខេត្តព្រះសីហនុ និងជាប្រធានក្រុមការងារគណបក្សប្រជាជនកម្ពុជា ចុះជួយសង្កាត់៣ និងជាប្រធានគណៈកម្មការ ខ២៧ នៅរសៀលថ្ងៃទី២១ ខែកញ្ញា ឆ្នាំ២០២១នេះ បានចាត់ក្រុមការងារ នាំយកអំណោយមូលនិធិ ខ២៧ មកប្រគល់ជូនប្រជាពលរដ្ឋចំនួន២គ្រួសារ ដែលមានជីវភាពខ្វះខាត ក្រោយពេលព្យាបាលជំងឺកូវីដ-១៩ ជាសះស្បើយ ទីលំនៅបច្ចុប្បន្ន ក្រុមទី១៣ ភូមិ៣ សង្កាត់លេខ៣ ក្រុងព្រះសីហនុ។
ប្រជាពលរដ្ឋចំនួន២គ្រួសារ ដែលមានជីវភាពខ្វះខាតខាងលេីនេះទី១,ឈ្មោះ ម៉ៅ ម៉ាឡៃ ភេទស្រី អាយុ៦៤ឆ្នាំ និងទី២,ឈ្មោះ សម្បត្តិ ឧត្តមសផវឡី ភេទប្រុស អាយុ៧ឆ្នាំ។
លោក ជួន ណារិន្ទ បានបញ្ជាក់បន្ថែមថា អំណោយដែលបានផ្តល់ជូន ដោយក្នុងមួយគ្រួសារទទួលបាន៖ អង្ករ១០គីឡូ ;មីមួយកេស, ត្រីខកំប៉ុងមួយឡូ, ទឹកត្រី១ដប, ទឹកសុីអុីវ១ដប, ស្ករមួយគីឡូ, អំបិលមួយគីឡូ, ប៊ីចេង ២៥០ក្រាម និងប្រេងឆាមួយលីត្រ៕
ដោយ៖សហការី
