សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គ្រូបង្រៀនគឺជាឆ្អឹងខ្នងនៃគុណភាពអប់រំ និងជាមូលដ្ឋានគ្រឹះនៃការអភិវឌ្ឍធនធានមនុស្ស។ ការអប់រំប្រកបដោយគុណភាពត្រូវចាប់ផ្តើមពីគ្រូបង្រៀន ដែលមានតួនាទីក្នុងការរួមចំណែកកសាងសិស្សានុសិស្សឲ្យក្លាយជា កូនល្អ សិស្សល្អ ពលរដ្ឋល្អ ដែលជាកម្លាំងចលករ នៃការអភិវឌ្ឍសង្គមជាតិមិនអាចខ្លះបាន។
ទោះស្ថិតក្នុងបរិបទនៃជំងឺកូវីដ-១៩ ក្តី ក៏លោកគ្រូ អ្នកគ្រូ នៅតែរក្សាបាននូវតួនាទីសំខាន់ក្នុងការអប់រំ តាមរយៈការរិះរកគ្រប់មធ្យោបាយក្នុងផ្តល់ និងផ្ទេរចំណេះដឹងដល់សិស្សានុសិស្ស និស្សិត របស់យើង តាមរយ:ការបង្រៀនពីចម្ងាយ ក្នុងថ្នាក់រៀន ការបង្រៀនឆ្លាស់វេណ ការចុះបង្រៀនសិស្សជាក្រុមតូចៗតាមសហគមន៍ និងតាមខ្នងផ្ទះ ដោយឈរលើស្មារតីនៃការទទួលខុសត្រូវ និងមនៈសិក្សាវិជ្ជាជីវៈ និងស្នេហាជាតិ ។
ជូនសូមឲ្យ ទិវាគ្រូបង្រៀន៥តុលា ស្ថិតក្នុងបេះដូងនៃប្រជាជនកម្ពុជាជារៀងរហូតទៅ៕
ដោយ ៖ សហការី
