សារព័ត៌មាន នគរវត្ត តែងតែនាំមុខគេជានិច្ច
មានករណីបាញ់ប្រហារនៅក្នុងមហាវិទ្យាល័យ Grambling រដ្ឋ Louisiana សហរដ្ឋអាមេរិកបណ្តាលឲ្យមនុស្សម្នាក់ស្លាប់និង ៧នាក់រងរបួស ក្នុងនោះមានម្នាក់របួសធ្ងន់ស្ថិតនៅក្នុងសភាពគ្រោះថ្នាក់។
ស្នងការប៉ូលិសរដ្ឋ Louisiana បានឱ្យដឹងថា មានការបាញ់ប្រហារនៅព្រឹកថ្ងៃទី១៨ ខែតុលា នៅមហាវិទ្យាល័យ Grambling ដែលនេះជាករណីបាញ់ប្រហារលើកទីពីរហើយនៅសាលារៀន ក្នុងរយៈពេលមិនដល់មួយសប្តាហ៍ផង ហើយក្រុមជំនាញកំពុងតែស្រាវជ្រាវដើម្បីឱ្យដឹងប្រាកដថាតើការបាញ់ប្រហារនោះជាប់ពាក់ព័ន្ធគ្នាដែរឬទេ។
តាមការប្រកាសរបស់កម្លាំងប៉ូលិស ក្រោយការបាញ់ប្រហារនៅមហាវិទ្យាល័យ Grambling អាជ្ញាធរក៏បានឲ្យសិស្សផ្អាកការសិក្សារយៈពេល២ថ្ងៃគឺនៅថ្ងៃទី ១៨និងទី១៩ខែតុលា។ ជាមួយគ្នានេះដែរ គណៈកម្មការនាយកសាលាបានស្នើដល់សិស្សមិនត្រូវផ្សព្វផ្សាយព័ត៌មានមិនពិតនោះឡើយ។
ទន្ទឹមនឹងនោះ កម្លាំងសន្តិសុខក៏បានអនុម័តច្បាប់បម្រាមគោចរក្នុងសាលារហូតដល់មានមានសេចក្តីប្រកាសថ្មី។ ប៉ូលិសក៏បានស្នើឲ្យផ្តល់ព័ត៌មានបន្ថែមក្នុងការស្រាវជ្រាវដើម្បីបញ្ជាក់ឲ្យបានច្បាស់ពីសកម្មភាពបាញ់ប្រហារខាងលើ ។
កាលពីថ្ងៃទី១៣ខែតុលា នៅក្នុងសាលារៀននេះក៏មានការបាញ់ប្រហារបណ្តាលឲ្យមនុស្សម្នាក់ស្លាប់និងម្នាក់រងរបួសធ្ងន់ដែរ៕ ដោយ៖ធីរីណា
ប្រភពរូប៖ myarklamiss
