សារព័ត៌មាន នគរវត្ត តែងតែនាំមុខគេជានិច្ច
ខ្សែការពារវ័យជ្រេ Gerard Pique បានស៊ុតបញ្ចូលទីគ្រាប់បាល់ដំបូងរបស់ក្រុម Barcelona នៅ Champions League រដូវកាលនេះ ខណៈដែលក្រុមរបស់លោក Ronald Koeman បានផ្តួលក្រុម Dynamo Kyiv ក្នុងលទ្ធផល១ទល់០ដើម្បីបញ្ចប់ការចាញ់របស់ពួកគេក្នុងពូល E។
Pique បានទាត់បាល់បញ្ចូលទីយ៉ាងល្អពីការបញ្ជូនបាល់របស់កីឡាករ Jordi Alba ខណៈដែលក្រុមម្ចាស់ផ្ទះបានរកគ្រាប់បាល់បញ្ចូលទីនៅអឺរ៉ុបជាលើកដំបូងក្នុងរដូវកាលនេះ ហើយបាសេឡូណាមានក្តីសង្ឃឹមរបស់ពួកគេក្នុងការឈានទៅវគ្គបន្ត។ Barcelona ឈរនៅលេខ៣មាន១ពិន្ទុតាមពីក្រោយក្រុមលេខ២ Benfica ដែលបានចាញ់ក្រុម Bayern Munich ក្នុងលទ្ធផល៤ទល់០។
ក្រុម Barcelona បានឈានចូលដល់ការប្រកួតនេះបន្ទាប់ពីការបរាជ័យ ៣-០ ដោយក្រុម Bayern Munich និងចាញ់ Benfica ៣ទល់០ ។ ពួកគេមិនបានបរាជ័យក្នុងការស្វែងរកគ្រាប់បាល់ក្នុងការប្រកួតអឺរ៉ុប៣លើកជាប់ៗគ្នាចាប់តាំងពីខែមីនា ឆ្នាំ១៩៨៨ នៅក្នុងពានរង្វាន់យូហ្វាខាប់ ហើយ Piqueបានជួយក្រុមនេះឲ្យមានជ័យជម្នះឡើងវិញនៅរដូវកាលនេះ ។
ក្រុម Barcelona នឹងត្រូវប្រកួត El Clasico នៅថ្ងៃអាទិត្យទល់នឹងក្រុម Real Madrid នៅឯកីឡដ្ឋាន Nou Camp ក្រោយទទួលបានជ័យជម្នះជាបន្តបន្ទាប់ក្នុងសប្តាហ៍នេះបន្ទាប់ពីបានយកឈ្នះក្រុម Valencia ៣-១ កាលពីចុងសប្តាហ៍ ៕
ដោយ៖ ភារៈ(រូបភាព ៖ BBC Sport)
