សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តទាំងស្ថានភាពស្រវឹងស្រាបានជ្រុលចង្កូតទៅបុករបាំងថ្មដែលគេដាក់បាំងប្រឡាយទឹកស្អុយបឹងត្របែក បណ្ដាលឲ្យធ្លាក់ទាំងរបាំងថ្មនិងរថយន្តចូលទៅក្នុងប្រឡាយទឹកស្អុយ បង្កការភ្ញាក់ផ្អេីលដល់ប្រជាពលរដ្ឋចុះទៅជួយស្រង់តៃកុងចេញក្នុងរថយន្តទាន់ពេលវេលា ។
ហេតុការណ៍នេះបានកេីតឡេីងកាលពីវេលាម៉ោង១និង២០នាទីរំលងអធ្រាត្រ ឈានចូលថ្ងៃទី២៣ ខែតុលា ឆ្នាំ២០២១ ស្ថិតនៅតាមបណ្ដោយផ្លូវលេខ១០៥ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេឃេីញរថយន្តបង្កម៉ាក Range Rover ពណ៌ស ពាក់ស្លាកលេខភ្នំពេញ 2AT-8678 បេីកបរដោយបុរសម្នាក់ធ្វេីដំណេីរតាមបណ្ដោយផ្លូវលេខ១០៥ពីជេីងទៅត្បូងក្នុងល្បឿនលឿន។ ខណៈមកដល់ចំណុចកេីតហេតុក៏ឃើញរថយន្តនេះរេចង្កូតមកខាងឆ្វេងដៃទៅបុករបាំងថ្មដាក់បាំងប្រឡាយ បណ្ដាលឲ្យធ្លាក់ទាំងរបាំងថ្មនិងរថយន្តបង្កចូលក្នុងប្រឡាយទឹកស្អុយ ព្រមទាំងធ្វេីឲ្យតៃកុងគាបជាប់ក្នុងរថយន្ត ហេីយត្រូវបានបងប្អូនប្រជាពលរដ្ឋចុះទៅជួយស្រង់និងជួយសង្គ្រោះទាន់ពេលវេលាមិនបង្កឲ្យមនុស្សរងរបួសនោះទេ ។
ក្រោយកេីតហតុ តៃកុងរថយន្តបង្កត្រូវបានសមត្ថកិច្ចមូលដ្ឋានឃាត់ខ្លួនបញ្ជូនទៅកាន់អធិការដ្ឋាននគរបាលខណ្ឌចំការមន ដេីម្បីសួរនាំ ។ រីឯរថយន្តបង្កក៏ត្រូវសមត្ថកិច្ចទាក់ទងទៅរថយន្តស្ទួចឲ្យមកស្ទួចយកទៅរក្សាទុករង់ចាំម្ចាស់ចូលខ្លួនដោះស្រាយតាមច្បាប់ ៕
ដោយ ៖ ជីម ភារ៉ា
