ខ្លាំងមែននគរបាលខណ្ឌឬស្សីកែវជិះទូកដេញចាប់ ជនសង្ស័យចំនួន០២នាក់ ជាក់ស្ដែងករណីជួញដូរដោយខុសច្បាប់នូវសារធាតុញៀន

ភ្នំពេញ៖ នៅថ្ងៃទី២២ខែតុលា ឆ្នាំ២០២១ វេលាម៉ោង ១៤និង ៣០នាទីរសៀល កំលាំងជំនាញខណ្ឌបានធ្វើការបង្ក្រាបជាក់ស្ដែងករណីជួញដូរដោយខុសច្បាប់នូវសារធាតុញៀន ត្រង់ចំណុច ក្រុម៥ ភូមិក សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។

លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានប្រាប់ឱ្យដឹងថា ជាលទ្ធផលកំលាំងជំនាញខណ្ឌបានធ្វើការឃាត់ខ្លួន ជនសង្ស័យចំនួន០២នាក់ ។

១/ឈ្មោះ ង្វៀង យ៉ាំងតឹង ភេទ ប្រុស អាយុ ៣៤ឆ្នាំ ជនជាតិ វៀតណាម មានទីលំនៅ ភូមិព្រែកតាណូ សង្កាត់ចាក់អង្រែលើ ខណ្ឌ មានជ័យ រាជធានីភ្នំពេញ មុខរបរ មិនពិតប្រាកដ។           

២/ឈ្មោះ ចាំង ធីតាំ ភេទ ស្រី អាយុ ២០ឆ្នាំ ជនជាតិ វៀតណាម មានទីលំនៅ ក្រុម៣ ភូមិក សង្កាត់ច្រាំងចំរេះ២ ខណ្ឌឬស្សីកែវ រាជធានី មុខរបរ មិនពិតប្រាកដ ។                                                                           – សម្ភារ:ដកហូតមាន ៖ 

១/ក្រាមពណ៌សថ្លាសង្ស័យជាគ្រឿងញៀន ចំនួន ០១កញ្ចប់។

២/ជញ្ជីងសំរាប់ថ្លឹងមួយ 

៣/ ទូរស័ព្ទដៃមួយគ្រឿង

៤/ ថង់សំរាប់ច្រកគ្រឿងញៀនមួយចំនួន

 ចំពោះមុខកំលាំងជំនាញខណ្ឌកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធីច្បាប់៕

ដោយ៖ ជីណា