សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ បេីយោងតាមប្រភពព័ត៌មានពីស្នងការដ្ឋាននគរបាលខេត្តកំពង់ឆ្នាំង នៅព្រឹកថ្ងៃសៅរ៍ទី៣០ ខែតុលា ឆ្នាំ២០២១នេះ បានឱ្យដឹងថា កម្លាំងជំនាញការិយាលយ័ប្រឆាំងគ្រឿងញៀន ដឹកនាំដោយលោកអនុសេនីយ៍ឯក គឹម សាន នាយរងការិយាល័យ សហការជាមួយកម្លាំងអធិការដ្ឋាននគរបាលស្រុកបរិបូណ៌ ចុះបង្រ្កាប និងឃាត់ខ្លួនបុរសម្នាក់ ពាក់ព័ន្ធករណីរក្សាទុក ជួញដូរ និងប្រើប្រាស់ ដោយខុសច្បាប់នូវសារធាតុញៀន កាលពីរសៀលថ្ងៃទី២៩ ខែតុលាម្សិលមិញនេះ នៅចំណុចភូមិស្រះកែវ ឃុំមេលំ ស្រុកបរិបូណ៍ ខេត្តកំពង់ឆ្នាំង។
ប្រភពដដែលបន្តថា ដោយអនុវត្តតាមបទបញ្ជារបស់លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង និង មានការសម្របសម្រួលនីតិវិធីពី លោកព្រះរាជអាជ្ញាអមសាលាដំបូងខេត្តកម្លាំងជំនាញ បានឃាត់ខ្លួនជនសង្ស័យម្នាក់ឈ្មោះ ហៀង វណ្ណារ៉ា(ហៅប្រុស) ភេទប្រុសអាយុ៣៩ឆ្នាំ ជនជាតិខ្មែរ មុខរបរ មិនពិតប្រាកដ រស់នៅភូមិស្រះកែវ ឃុំមេលំ ស្រុកបរិបូណ៍ ខេត្តកំពង់ឆ្នាំង។
ក្រោយឃាត់ខ្លួន សមត្ថកិច្ចជំនាញបានដកហូតវត្ថុតាងរួមមាន៖ ថ្នាំញៀនចំនួន ០១កញ្ចប់;ទូរស័ព្ឌដៃ ០១គ្រឿង;ម៉ូតូ ០១គ្រឿង និងសម្ភារ:ប្រើប្រាស់ថ្នាំញៀនមួយចំនួន។
បច្ចុប្បន្នជនសង្ស័យរួមទាំងវត្ថុតាង កម្លាំងការិយាល័យជំនាញកសាងសំណុំរឿងចាត់ការបន្តតាមនីតិវិធី៕
ដោយ៖សហការី
