សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យម្នាក់ ត្រូវនគរបាលខណ្ឌឬស្សីកែវឃាត់ខ្លួន បន្ទាប់ពីធ្វើសកម្មភាព ករណីលួចម៉ូតូ នៅថ្ងៃទី៣០ ខែតុលា ឆ្នាំ២០២១ វេលាម៉ោង២២និង០០នាទីយប់នៅចំណុចបន្ទប់ជួលផ្លូវ១០៣ក្រុមទី៦ ភូមិបាក់ទូក សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ ។
-ជនរងគ្រោះឈ្មោះម៉េះ ដារ៉ូ ភេទប្រុស អាយុ២៣ ឆ្នាំជនជាតិខែ្មរមុខរបរកម្មករសំណង់ មានទីលំនៅបន្ទប់ជួល កើតហេតុខាងលើ ។
ចំណែកជនសង្ស័យឈ្មោះ កុសល វណ្ណៈ ភេទប្រុស អាយុ២២ឆ្នាំ ជនជាតិខែ្មរ មុខរបរ មិនពិតប្រាកដ មានទីលំនៅ បន្ទប់ជួលក្រុម៨ ផ្លូវរថភើ្លង ភូមិចុងខ្សាច់ សង្កាត់ទួលសងែ្ក១ ខណ្ឧឫស្សីកែវ (មានសារធាតុញៀន) អវិជ្ជមានកូវីដ-១៩ ។
*សំភារៈដកហូតមាន ៖
_សោរម៉ូតូចំនួន០១ ។
_ម៉ូតូ០១គ្រឿងម៉ាកHONDAC125 ពណ៌ខ្មៅ (ស៊េរីឆ្នាំ២០១៨) សា្លកលេខភ្នំពេញ1GT. 8186 (របស់ជនរងគ្រោះ) បានប្រគល់ជូនម្ចាស់វិញ ។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានប្រាប់ឱ្យដឹងថា នៅថ្ងៃទី ខែ ឆ្នាំខាងលើជនរងគ្រោះបានទុកម៉ូតូនៅមុខបន្ទប់ជួល នៅចំណុចកេីតហេតុខាងលេី ក៏ដើរចូលបន្ទប់ជួលស្រាប់តែមានជនសង្ស័យមា្នក់បានជិះម៉ូតូចេញពីមុខបន្ទប់ ដែលជនរងគ្រោះចតម៉ូតូទុកមុខបន្ទប់ជួល ឃើញក៏ស្រែកចោរៗ ផ្អើលអ្នកជិតខាងជួយដេញ ក៏ជួបកំលាំងល្បាតប៉ុស្ដិ៍អន្តរាគមន៍ឃាត់ខ្លួនជនសង្ស័យ០១នាក់យកមកប៉ុស្ដិ៍នគរបាលទួលសងែ្ក១ ដើម្បីអនុវត្តន៍តាមនីតិវិធីច្បាប់ ៕
ដោយ៖ ជីណា
