សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ បើយោងតាមផេកបញ្ជាការដ្ឋានកងទ័ពជើងទឹក បានបញ្ជាក់អោយដឹងថា, នៅវេលាម៉ោង ០៩:៣០នាទីព្រឹក ថ្ងៃទី៣១ ខែតុលា ឆ្នាំ២០២១ ក្រុមពន្លត់អគ្គិភ័យ៧១១ របស់កងពលតូចលេខ៧០ ប្រចាំការនៅក្រុងព្រះសីហនុ បានចេញអន្តរាគមន៍ករណី អគ្គិភ័យឆេះផ្ទះប្រជាពលរដ្ឋ ចំនួន ០៥ខ្នង។
សូមបញ្ជាក់ថា, ករណីអគ្គិភ័យនេះ កេីតឡេីងនៅក្រុម១៣ ភូមិ៣ សង្កាត់លេខ១ ក្រុងព្រះសីហនុ។ ក្រុមពន្លត់អគ្គិភ័យ៧១១ បានប្រេីប្រាស់កម្លាំងចំនួន ១០នាក់ រថយន្តផ្ទុកទឹកចំនួន ០៣គ្រឿង។
ក្នុងនោះដែរ ក្រុមពន្លត់អគ្គិភ័យ៧១១ របស់កងពលតូចលេខ៧០ បានឧបត្ថមម៉ាស់ចំនួន ៣,០០០បន្ទះ ជូនប្រជាពលរដ្ឋដែលរងគ្រោះអគ្គិភ័យនេះផងដែរ។
សូមបញ្ជាក់ថា ការអន្តរាគមន៍ពន្លត់អគ្គិភ័យ បានពន្លត់រលត់ទាំងស្រុងភ្លាមៗផងដែរ និងមិនមានប្រជាពលរដ្ឋណាម្នាក់រងរបួសឡេីយ៕
ដោយ ៖ សិលា
