សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សមត្ថកិច្ចខណ្ឌចំការមនបានចុះទៅឃាត់ខ្លួនបុរស២នាក់ខណៈដែល ពួកគេចូលទៅផឹកស៊ីនៅហាងមួយកន្លែងយីហោ « វីហ្វ្រេន » លុះស្រវឹងធ្លាក់ភ្នែកក៏ ដកកាំភ្លើងខ្លីសម្ញែងគេបង្កការភ្ញាក់ផ្អើល ដល់អ្នកអង្គុយផឹករត់ពេញក្នុងហាង យកទៅសួរនាំភ្លាមៗ។
ហេតុការណ៍ខាងលេីនេះបានកេីតឡេីង នៅវេលាម៉ោងជាង១២រំលងអធ្រាត្រ ឈានចូលថ្ងៃទី២ ខែវិច្ឆិកា ឆ្នាំ២០២១ នៅចំណុចហាងយីហោ « វីហ្វ្រេន » ដែល ស្ថិតនៅតាមបណ្ដោយផ្លូវលេខ៤៧៤ កែង ផ្លូវលេខ១០១ ក្នុងសង្កាត់បឹងត្របែក ខណ្ឌចំការមន ។
ជាមួយនឹងការឃាត់ខ្លួននេះសមត្ថកិច្ចក៏ ដកហូតបាននូវកាំភ្លើងខ្លីមួយដើម និងរថយន្ដឡិចស៊ីសRX ៣០០ មួយគ្រឿង បញ្ជូនទៅអធិការដ្ឋាននគរបាល ខណ្ឌចំការមនភ្លាមៗដែរ ។
ជនសង្ស័យខាងលើមានឈ្មោះ ដួង ឥស្សររស្សី ភេទប្រុស អាយុ៤០ឆ្នាំ មុខរបរមន្រ្តីនគរបាលអង្គភាពកីឡា។
ចំពោះមុខនេះកម្លាំងជំនាញខណ្ឌកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តតាមនីតិវិធី៕
ដោយ៖ជីណា
