សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ តុលាការខេត្តស្ទឹងត្រែងបានសម្រេចឃុំខ្លួនបុរសម្នាក់ដាក់ពន្ធនាគារនេះបេីយោងតាមប្រភពព័ត៍មានពីមន្ត្រីជលផលខេត្តស្ទឹងត្រែង ។
ការសម្រេចឃុំខ្លួនជនខាងលើនេះបានធ្វើឡើងនៅព្រឹកថ្ងៃសុក្រទី០៥ ខែវិច្ឆិកា ឆ្នាំ២០២១នេះដោយចៅក្រមសាលាដំបូងខេត្ត បានសម្រេចចោទប្រកាន់បុរសម្នាក់ រូបនេះពាក់ពន្ធ័ករណីនេសាទដោយប្រើ ឧបករណ៍ឆក់ខុសច្បាប់ និងឃុំខ្លួនដាក់ពន្ធនាគារបណ្ដោះអាសន្ន កាលពីល្ងាចថ្ងៃទី៤ ខែវិច្ឆិកាម្សិលមិញនេះ។
យោងតាមប្រភពព័ត៌មានបានបន្តថា មន្ត្រីជលផលខេត្ត សហការជាមួយសមត្ថកិច្ចពាក់ព័ន្ធ បានចុះបង្ក្រាបបទល្មើសនេសាទ និងឃាត់ខ្លួនជនសង្ស័យម្នាក់ឈ្មោះ ដឹង ស៊ូង ភេទប្រុស អាយុ៣០ឆ្នាំ រស់នៅភូមិស្រែតាប៉ាន ឃុំសាមឃួយ ស្រុកសេសាន ខេត្តស្ទឹងត្រែង រួមនឹងដកហូតឧបករណ៍ខុសច្បាប់មួយចំនួនធំ ហើយបញ្ជូនទៅតុលាការដេីម្បីចាត់ការតាមច្បាប់។ ចំណែកបក្ខពួកម្នាក់ទៀត បានរតរត់គេចខ្លួនដែលកំពុងស្រាវជ្រាវ។
នាយផ្នែករដ្ឋបាលជលផលសេកុង លោកយាមសាវុនបានឲ្យដឹងថាៈ លោកបាន ដឹកនាំកម្លាំងមន្ត្រី ជលផល កំលាំងប៉ុសិ៍នគរបាល រដ្ឋបាលឃុំភ្លុក ឆ្មាំទន្លេអភិរក្ស សត្វផ្សោត គណៈកម្មការសហគមន៍ នេសាទ និងប្រជាការពារភូមិភ្លុក បង្ក្រាបបទ ល្មើសជលផលនេសាទ ប្រើឧបករណ៍ឆក់ត្រី នៅភូមិសាស្ត្រជួរចាប ភូមិបានប៊ុង ឃុំភ្លុក ស្រុកសេសាន ដោយបានដេញប្រផាប់ចាប់ប្រភីង រហូតមកដល់ចំណុច កំពង់ទឹករបស់លោក អតីតអធិការ ស្រុកសេសាន ទល់មុខសាលាស្រុកសេសាន ភូមិកំភុន ឃុំកំភុន ស្រុកសេសាន បានឃាត់ខ្លួនជនសង្ស័យ បាន១នាក់ និងវត្ថុតាងមួយចំនួន រួមមាន ទូកស្មាច់ ១ គ្រឿង ម៉ាស៊ីន ម៉ាក HINOTA ១ គ្រឿង,ក្បាលឆក់ក្តៅ ១គ្រឿង, កង់ដង់ ៦គ្រាប់ ចំនួន១ប្រអប់, ខ្សែកាប្លិ៍ ១២ខ្សែ ប្រវែង ២៤ ម៉ែត្រ, ខ្សែភ្លើង ប្រវែង ៥ ម៉ែត្រ , ថ្នងដងត្រី ២គ្រឿង, អាគុយ ម៉ាក JP ១គ្រឿង (ជនសង្ស័យបានទម្លាក់ ចោលក្នុងទឹក)។
លោកបានបន្តថា កាលពីថ្ងៃទី ១-២ ខែវិច្ឆិកា ឆ្នាំ ២០២១កន្លងមក កម្លាំងខណ្ឌរដ្ឋបាលជលផល ឆ្មាំទន្លេ អភិរក្សសត្វផ្សោត សហគមន៍នេសាទ និងនគរបាលវរការពារព្រំដែន សហការគ្នា ចុះត្រួតពនិត្យ និងបង្ក្រាបបទល្មើសជលផល នៅតំបន់អូរតាឡាស បំផ្លាញចោលឧបករណ៍ ដាយ ចំនួន ១៣ មាត់ ដែលមានសាច់អួន ៣៧៥ ម៉ែត្រ បង្គោល ១២៨ដើម បំផ្លាញឧបករណ៍នេសាទ លូស្បៃមុង ១មាត់ លបប្រើស ២គ្រឿង និងរបាំងព្រួល ៥០ ម៉ែត្រ និងរុះរើទីតាំងដែលជនសង្ស័យ ស្នាក់នៅបណ្ដោះ អាសន្ន ដើម្បីប្រព្រឹត្តបទល្មើស ចំនួន ៣ ទីតាំង ដោយសារតំបន់នោះ មានភាពស្មុគស្មាញ និងគ្មានសេវា ទើបមិនអាចរាយការណ៍ ជូនបាន។
លោកបានបញ្ជាក់ថារាល់សកម្មភាពរបស់ក្រុមល្មើសបទនេសាទនេះជំនាញនិងកម្លាំងត្រូវតែបន្តធ្វើរហូត ៕
ដោយ៖ អរុណរះ
