សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើយោងតាមផេក ផ្លូវការ របស់ក្រុមគ្រូពេទ្យស្ម័គ្រចិត្តសម្តេចតេជោ នៅព្រលប់ថ្ងៃទី៦ ខែវិច្ឆិកា ឆ្នាំ២០២១ បានបញ្ជាក់អោយដឹងថា, សម្ភារៈជាថ្នាំពេទ្យ ដែលជាអំណោយដ៏ថ្លៃថ្លារបស់សម្តេចអគ្គមហាសេនា បតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានប្រគល់ជូនមណ្ឌលព្យាបាលជំងឺកូវីដ-១៩ ចំនួន ១១ មណ្ឌល នៅក្នុង រាជធានីភ្នំពេញ សម្រាប់ប្រើប្រាស់តាមតម្រូវការចាំបាច់នៅតាមមណ្ឌល តាមរយៈសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) មានរាយដូចខាងក្រោម ៖
១. មន្ទីរព្យាបាលជំងឺកូវីដ-១៩ ហ្លួងម៉ែ
២. មន្ទីរព្យាបាលជំងឺកូវីដ-១៩ ចាក់អង្រែ
៣. មន្ទីរពេទ្យមិត្តភាព ខ្មែរ-សូវៀត
៤. មន្ទីរពេទ្យព្រះអង្គឌួង
៥. មណ្ឌលព្យាបាលជំងឺកូវីដ-១៩ សែនសុខ ២ (ដឺព្រីមៀរសែនសុខ)
៦. មណ្ឌលព្យាបាលជំងឺកូវីដ-១៩ អូឡាំពិក (ពហុកីឡដ្ឋានជាតិអូឡាំពិក)
៧. មជ្ឈមណ្ឌលជាតិកំចាត់របេង និង ហង់សិន
៨. មណ្ឌលព្យាបាលជំងឺកូវីដ-១៩ ម៉ូឌែន ២
៩. មណ្ឌលព្យាបាលជំងឺកូវីដ-១៩ សែនសុខ ១ (ពិភពថ្មីសែនសុខ)
១០. មណ្ឌលព្យាបាលជំងឺកូវីដ-១៩ ទួលពង្រ
១១. មណ្ឌលព្យាបាលជំងឺកូវីដ-១៩ មង្គលឧត្តម។
សូមបញ្ជាក់ថា, កំណេីនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី០៥ ខែវិច្ឆិកា ឆ្នាំ២០២១
-លើប្រជាជនអាយុពី ១៨ឆ្នាំឡើង មាន ១០០,៣០% ធៀបជាមួយចំនួនប្រជាជនគោលដៅ ១០លាននាក់
-លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩៨,២១% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់
-លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០២,៦៩% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់
-លើកុមារអាយុ ០៥ឆ្នាំ មាន ៥១,៨០% ធៀបជាមួយនឹងប្រជាជនគោលដៅ ៣០៤,៣១៧ នាក់
-លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាននាក់ មាន ៨៧,០៦%។
ដោយឡែក រហូតដល់ ថ្ងៃទី ៦ ខែវិច្ឆិកា ឆ្នាំ២០២១ កម្ពុជាយេីងរកឃេីញករណីជំងឺកូវីដ-១៩ សរុបចំនួន ៧៣នាក់ (ឆ្លងសហគមន៌: ៦៣ និង នាំចូល: ១០) និងមានជាសះស្បេីយ ៧៨នាក់ ។ ដូច្នេះចំនួនករណីជំងឺកូវីដ-១៩សរុបកេីន ១១៩០២១នាក់ និងចំនួនជាសះស្បេីយសរុបកេីន ១១៥៣៦៧ នាក់ និង ស្លាប់ថ្មី ៦នាក់ (ក្នុងនោះមិនបានចាក់វ៉ាក់សាំង ៤នាក់) សរុបស្លាប់ ២៨២៤នាក់ ។ សូមបន្តអនុវត្តន៌: ៣កុំ ៣ការពារ និងទោះបានចាក់វ៉ាក់សាំងគ្រប់ដូសឬដូសជំរុញក៏ដោយ ។
សូមបញ្ជាក់ថា ប្រទេសយេីងរកឃេីញករណីជំងឺកូវីដ-១៩ដំបូងបំផុតនៅថ្ងៃទី ២៧ មករា ២០២០ ។
យេីងបានធ្វេីតេស្តចំនួន 2649751 ស្មេីនឹង 155959 ក្នុង១លាន នាក់ ។
ពត៌មានបន្ថែមសូមទាក់ទងលេខ 115៕
ដោយ ៖ សិលា
